Yeyedza pweya wusiwana

Gu pweya wusiwana makodzelo nya gu pwisise, gu pimisa, gudzipwa, lisima ni esi si keneleyago vambe. Tepo hi yeyedzago pweya wusiwana ga vambe a vo va ngu si wona, a bari gu khu lisine hi ngu dzina gu phasa vambe isoso si na hi gira hi va pweya wusiwana. Ha gu pweya wusiwana vathu thumoni nyo tshumayele hi na ba na hi va yeyedza lihaladzo ni gu khatala ga Jehovha khu avo, ni gu isoso sa gu gira vathu va hidzimeya gwaye. — Flp 2:4.

Gu pweya wusiwana khandri ndziya hi nga yi thumisago gasi gu tshumayela khiyo basi, hi nga yeyedza pweya wusiwana gambe khu gu engiseya vambe khu ndziya nya yadi. Hi nga yeyedza gambe pweya wusiwana khu ndziya hi ganeyago khiyo, mavbanyelo yathu, dzijestu ni gu tshulega gwathu. Hi ngu yeyedza pweya wusiwana ga vambe gambe khu gu hi va tsakeya. Hi ngu pwisisa esi va si vbwetago, esi va si khodwago ni makhalelo yawe. Hi ngu va embeya silo va nga girago nigu va phasa, ganiolu nya mba va gurumedza gu vbindrugedza. Tepo vathu va dzumeyago giphaso gyathu gutshumayelani isoso si ngu hi gira hi tsaka.

YEYEDZA VHIDHYU YI GU KHIYO MANA GU TSAKA KHU GU GIRA VAPIZANE — TSHUKWADZISA MATSHUMAYELELO YAGO — YEYEDZA PWEYA WUSIWANA, KHU GU LANDREYA GIRA SIWUDZISO SESI:

• 

  Neta yeyedzide kharini pweya wusiwana tepo Jade a nga gedwa?

• 

  Neta yeyedzide kharini pweya wusiwana tepo Jade a nga ganeya gu khuye a ngu goroga khu kotani nya olu va hevbulago vatshavbo Bhibhiliya?

• 

  Neta yeyedzide kharini pweya wusiwana tepo Jade a nga ganeya gu khuye kha kodzi gu orghanizari silo khu ndziya nya yadi?