Wona vanyamayi va dandridego kha nga vamamayi, sagadzyana kha nga vandriyago

Milowo ya gu hi kutsa gu phara makristo ma dandridego kha nga vamamayi ni vapapayi vathu nigu sanana hi si wona kha nga vandriyathu. (Leri 1 Thimoti 5:1, 2.) Ngudzungudzu vandriyathu nya vama gu vbwetega va phara vandriyathu nya vanyamayi khu wuzundzu ni githawo.

Ndriyathu nya mwama kha yeli gu hagana khu lihaladzo ni ndriyathu nya nyamayi mwendro gu mu gira a si dzipwi gwadi vbafuvbi gwaye. (Job 31:1) Ndriyathu nya gikwendra nya mwama kha yeli gu gira gu ndriyathu nya gikwendra nya nyamayi a dzipwa gu khatshi a gu mu vbweta ga si gu haladzana naye nari gu ne.

Madhota ma di yede gu yeyedza gu khatala khu va ndriyathu nya vanyamayi vale khu githawo va nga ba vava gira siwudziso mwendro gu va yeyedza silo nyo khaguri si nga vbwetegago gu khataledwa. Madhota ma ngu khatala khu va nyamayi ngudzungudzu vale va gu mwalo vama gasi gu va vhikeya. — Ru 2:8,9.

YEYEDZA VHIDHIYU YEYEDZA LIHALADZO NYA MBA VBEYA LIBANDLANE KHU DZINONI NI SANANA NYO FEDWE KHU VAVELEGI, KHU GU LANDREYA GIRA SIWUDZISO SESI:

• 

  Libandla li yeyedzide kharini lihaladzo nyo hlamadzise ga ndriyathu Myint?

• 

  Lihaladzo li yeyedzidwego khu libandla li ningide kharini wufakazi nya wadi zonani mule?

• 

  Lihaladzo li yeyedzidwego khu libandla li kuhide kharini sanana nya sagadzyana sa ndriyathu Myint?

Khu sevbini silo nya sadi u nga girago gasi gu yeyedza gu u ngu haladza vandriyathu nya vanyamayi va garadzegago va libandlani gwago?