Esi hi nga hevbulago khu womi wa Samuweli

Samuweli simamide na tumbegide ga Jehovha womini waye watshavbo. Na ngari muphya uye kha dzi nyenyezisa nga Hofeni ni Finiyasi sanana sa Eli. (1Sa 2:22-26) Samuweli simamide gu dandra ni gu Jehovha a diri naye tepo yatshavbo. (1Sa 3:19) Ambari olu uye a nga ba a gumbide uye simamide gu thumeya Jehovha ambari olu sanana saye si nga ba si si giri isoso. — 1Sa 8:1-5.

Ginani hi gi hevbulago ga giyeyedzo gya Samuweli? Wa gu ba u ngari muphya tiyisega gu khuwe Jehovha a ngu pwisisa sigaradzo u tshanganago naso ni edzi u dzipwago khidzo. Uye a na gu ninga gu tiya hwambo. (Isa 41:10, 13) Abari gu, u muvelegi u gu na ni gyanana gi si thumeyigo Jehovha guti gu khuwe Samuweli kha gurumedza sanana saye si dandridego khu tanga gu vbanya khu matshina nya milayo ya Jehovha si na gu thaveleya. Hwane nyo ba na vegide gugaradzega gwaye ga Jehovha uye a di simama gu tumbega khu kharato a tsakisa papayi waye wa ndzadzini Jehovha. Khu kharato, giyeyedzo gyago nya gyadi gi nga kutsa gyanana gyago gu tumba gi bwe gi vbanya khu matshina nya milayo ya Jehovha.

YEYEDZA VHIDHIYU HI NGA HEVBULA GINANI KHU SAMUWELI, KHU GU LANDREYA GIRA SIWUDZISO SESI:

• 

  Samuweli na ngari muphya yeyedzide kharini gu tiya hwambo?

• 

  Danny yeyedzide kharini gu tiya hwambo?

• 

  Samuweli khade giyeyedzo nya gyadi ga vama va dandridego khu tanga khu ndziya muni?

• 

  Vavelegi va Danny va khade giyeyedzo nya gyadi khu ndziya muni?