Dzi dongiseye olu gasi gu emisana ni dziemergensiya medhika

Khu ginani u yedego gu donga? Dziemergensiya medhika ni gu baxari ospitali si nga dugeleya khavba ni avba. Ganiolu, gwadi gu dzi dongiseya na yi si dugeleyi emergensiya medhika gasi u si kodza guya khathaledwa gwadi ospitali gya gu tshuka gi dugeleya gilogyo. Khu kharato, u na ba u yeyedza gu khuwe u ngu ninga lisima womi ni nayo wa Jehovha wu ganeyago khu novba. — Mith 15:28, 29.

U nga gira ginani gasi u dzi dongiseya?

• Gombeya u bwe u prenxeri likartawu nya (DPA).a Vahuweleyi va bhabhatisidwego va nga lomba makartawu yawe ni aya nya sanana, a gu Cartão de Identificação (ic) ga ndriyathu a thumisanago ni mabhuku.

• Wa gu ba u ri ni mimba, u nga lomba lidangaliya ga madhota li gu khilo Informações para grávidas S-401. Lidangaliya leli li na gu phasa gu hunga gwadi edzi u nga khathaledwago khidzo ospitali tepo si giregago silo na wu si hefumule gyanana ni tepo u hefumulago.

• Va gu embeya gu khavo gasi gu gu thuma u yede gu thedwa novba mwendro gu baxari ospitali, uwe u yede gu embeya madhota yago khu tepo ni gu embeya ospitali gu khuwe u na endredwa khu moyo nya Dzifakazi dza Jehovha.

Madhota ma nga gu phasa kharini? Ayo ma na gu phasa gu prenxeri likartawu nya DPA. Ambari ulolo, ayo kha ma na nga gu hungeya esi u yedego gu gira mwendro gu gu embeya mawonelo yawe ga esi u yedego gu hatha. (Ro 14:12; Ga 6:5) Tepo u embeyago madhota gu khuwe wa gu emisana ni giemo u yedwego gu thedwa novba, nya mba hweya avo va na ganeya ni Comissão de ligações de Hospitais (COLIH) khesi u emisanago naso.

Comissão de ligações de Hospitais (COLIH) yi nga gu phasa kharini? Vandriyathu va thumago ga COLIH va gu treinarwi gasi gu phasa vale va pwisisago giemo gyathu maningano ni novba. Avo va nga bhula navo khu mambe mathumelo ma nga potsago gu thumisa novba, ganiolu ma na phasago. Sa gu vbwetega, va nga vbwetedzeya dhokodheya a pwisisago giemo gyathu.

YEYEDZA VHIDHYU EDZI U NGA HUNGAGO KHIDZO MATHUMELO NYA MADWALI MA GIMBELEYANAGO NI NOVBA, KHU GU LANDREYA GIRA SIWUDZISO SESI:

• Ginani u gi hevbudego avba nya vhidhyu yeyi gi nga gu phasago gu dongiseya ya gu tshuka yi dugeleya emerigensiya medhika yi patago gu thedwa novba?

  Your answer