Dzi vegeye misuwo na gi si gu vbohi Gidundrugiso

Myaga yatshavbo vathu va Jehovha va gu vireya khu maho nyo fuviye gu wona vatshavbo Gidundrugiso. Dzisemana hwane na gi si gu giregi ni hwane nya gu ba gi giregide Gidundrugiso, ethu hi ngu londrola lithomo leli nya lisima gasi gu dhumisa ni gu bonga Jehovha khu giningwa gegi nya dzegiso. (Ef 1:3, 7) Khu giyeyedzo, ethu hi ngu dzi garadzeya gu rana vambe gasi guta Gidundrugisotuno. Vathu nyo khaguri va ngu vbindrugedza silo nyo khaguri gasi gu thuma kha nga vapiyonero nyo phasezeye ni gu ningeya 30 mwendro 50 dziora ndrani nya migima nya Março ni Abril. Ina u ngu dzina gu gira nya singi thumoni ga Jehovha teponi nya Gidundrugiso? Ginani gi na gu phasago gu gira isoso?

Dziteponi nya dzingi, ethu hi nga gira nya singi ha gu gira longoloko na yi nga romo tepo. (Mav 21:5) Nugunugu yi na vboha tepo nya Gidundrugiso ni gu eyi khiyo tepo nya gu pheye gu gira longoloko. Dundrugeya khesi u yedego gu gira gasi gu engedzeya thumo wago nyo tshumayele ndrani nya tepo yeyi nya Gidundrugiso u bwe u dundrugeya khesi u yedego gu gira gasi gu vboheya misuwo yago. Khavbovbo, lomba Jehovha gasi a kategisa gu dzigaradza gwago. — 1Jo 5:14, 15.

Ina u ngu kodza gu dundrugeya khu dzindziya nyo khaguri gasi gu gira nya singi thumoni gwago nyo tshumayele ndrani nya tepo yeyi nya Gigundrugiso?