• Ina dzifesta dzatshavbo dzi ngu mu tsakisa Nungungulu?
    Vbanya nu tsakide kala gupindruga! — Gihevbulo nya Bhibhiliya

    • Lerini Vaefeso 5:10, mu vbedza mu bhula khu siwudziso sesi:

      • Ginani hi yedego gu tiyisega khigyo na hi si hongoli ga festa nyo khaguri?

      • Dzifesta muni dzi oloveyago gu girwa omu u vbanyago umo?

      • Wo si wona kharini, ina dzifesta dzodzo dzi ngu tsakisa Jehovha?

      Khu giyeyedzo, u di nga tshuka u dzi wudzisa gu khuwe Nungungulu o dzi wona kharini dzifesta nyo dundruge matshigu nyo velegwe? Bhibhiliya kha yi ganeyi ne khu githumi gimwegyo gya Jehovha gi nga nga gira festa nyo dundruge matshigu nyo velegwe. Dzifesta dza dzimbili nyo dundruge matshigu nyo velegwe dzi khumbugwago omu nya Bhibhiliya khya vathu va nga ba va si thumeyi Jehovha. Lerini Genesi 40:20-22; Matewu 14:6-10, mu vbedza mu bhula khu siwudziso sesi:

      • Silo muni nyo fane si giregidego avba nya dzifesta dzedzi dza dzimbili nyo dundruge matshigu nyo velegwe?

      • Khu guya khu mavhesi yaya, wo pimisa gu khuwe Jehovha o dzi wona kharini dzifesta nyo dundruge matshigu nyo velegwe?

      Ganiolu, adzina u nga dzi wudzisa khuwe: ‘Ina kamo Jehovha a ngu goroga nyo patega omu nya dzifesta nyo dundruge matshigu nyo velegwe mwendro yimbe festa yi si pwananigo ni esi Bhibhiliya yi si hevbudzago?’ Lerini Ekisodha 32:1-8. Khavbovbo, mu sistiri VHIDHYU mu vbedza mu bhula khu siwudziso sesi.

      VHIDHYU: Dziferiyadho ni dzifesta dzi gu mba tsakisa Nungungulu (5:07)

      • Khu ginani si gu sa lisima gu pheya khu gu tiyisega gu khethu si na tsakisa Jehovha mwendro ne?

      • Hi nga si gira kharini isoso?

      Hi nga dziti kharini gu khethu festa nyo khaguri kha yi tsakisi Nungungulu?

      • Iyo festa yoyo khandri yo dugeya omu nya sihevbudzo si dwanisanago ni sihevbudzo nya Bhibhiliya? Zama guti omu yi dugeyago umo.

      • Ina yi ngu ninga wuzundzo nyo vbindre pimo ga vathu, dzihengeledzano ni litigo nyo khaguri? Ethu ho zundza Jehovha guvbindra ni wevbi muthu mwendro ni gevbi gilo nigu khuye hi mu tumbago gasi gu lulamisa sigaradzo mafuni.

      • Ina esi vathu va giredzeyago vo ba vari ga festa yoyo kha si dwaniswani ni milayo nya Bhibhiliya? Gu vbwetega mavbanyelo yathu ma khala na ma agide.

  • Hatha mihagano yi tsakisago Jehovha
    Vbanya nu tsakide kala gupindruga! — Gihevbulo nya Bhibhiliya
    • Gihevbulo 53. Papayi, mamayi ni gyanana va hodzago dzipipoka na va sistiri televhizawu.

      GIHEVBULO 53

      Hatha mihagano yi tsakisago Jehovha

      Jehovha Nungungulu nyo tsake. (1 Thimoti 1:11) Uye o vbweta gu khuye hi tsaka hi bwe hi dzi buza khu womi. Uye a ngu tsaka tepo hi dzi ningago tepo nyo hefemule. Ga gihevbulo gegi hi na wona edzi hi nga londrolago khidzo tepo yathu nyo hefemule khu ndziya yi tsakisago Jehovha.

      1. Ginani hi yedego gu gi dundruga tepo hi hathago mihagano?

      Ginani u gi golago gu gira ga tepo nyo hefemule? Vambe vo gola gu dzi khaleyana gaya va dzi lereya libhuku, va engiseya muzka, va sistiri filmi mwendro gu beya omu nya internet. Vambe kha va goli gu khala wulanga wumowo, vo oloveya gu pasiyari ni dzipari dzawe, va hambeya mwendro gu jogari hagano nyo khaguri. Ni wevbini hagano hi wu hathago, gu vbwetega hi tiyisega gu khethu wu ngu ‘tsakisa Pfhumu.’ (Vaefeso 5:10) Si na ni lisima gu dundrugeya khesi, kholu gutala nya silo esi vathu va golago gu hagana khiso si na ni silo esi Jehovha a si nyenyago, nya nga wughevenga, wubhayi mwendro wudhemoni. (Leri Ndzimo 11:5.) Ginani gi na hi phasago gu hatha gwadi mihagano yathu?

      Ho manega ni dzipari dzi haladzago Jehovha, si na hi vbevbugeya gu hatha mihagano nya yadi. Kha nga hi si wonidego ga gihevbulo 48, ‘wule a gimbiyago ni va nya mapimo, a na mana mapimo.’ Ganiolu ho khaleya gu hagana ni vathu va gu mba yi gola milayo ya Nungungulu, hi na “thegedwa khu libango.” — Mavingu 13:20.

      2. Khu ginani si gu sa lisima gu pima tepo hi vbedzago omu nya mihagano?

      Ambari mihagano yathu yo ba yiri yadi, gu vbwetega hi dzi woneya gasi yi si hi beyi ngudzu tepo. Ho mba dzi woneya, mihagano yi nga hi gira hi si tshaledwi khu tepo nyo gire yimbe mithumo nya lisima. Bhibhiliya yo hi kutsa gu ‘sayisa gwadi gikhati hi gu nagyo.’ — Leri Vaefeso 5:15, 16.

      GIRA WUGEVISISI NYO ETE

      Wona egi gi na gu phasago gu hatha mihagano nya yadi.

      3. U nga hagani khu silo si gu mba tsakisa Jehovha

      Khu ginani hi yedego gu hatha gwadi mihagano yathu? Sistirini VHIDHYU, mu vbedza mu bhula khu siwudziso sesi.

      VHIDHYU: Sivbungadzo muni nyi yedego gu si hatha? (4:39)

      • Mihagano nya vadwani va Roma wa gale yo fana kharini ni mihagano ya matshigwanaya?

      • Kha nga hi si wonidego omu nya vhidhyu, ginani egi Khwamba a gi hevbudego khu mihagano?

      Lerini Varoma 12:9, mu vbedza mu bhula khu giwudziso gegi:

      • Lowo wowu wu nga gu phasa kharini tepo u hathago mihagano?

      Khu sevbini silo nyo khaguri esi Jehovha a si nyenyago? Lerini Mavingu 6:16, 17 ni Vagalatiya 5:19-21. Hwane nyo leri milowo yeyi, bhulani khu giwudziso gegi:

      • Khu sevbini silo si ganedwego avba nya mavhesi yaya u si wonago omu nya mihagano ya matshigwanaya?

      Ndziya nyo hathe khiyo mihagano

      Dzi wudzise khuwe:

      • Hagano wowu wu na ni silo nyo khaguri esi Jehovha a si nyenyago?

      • Ina hagano wowu wu ngu nyi tandregisa gu gira mithumo nya lisima?

      • Ina hagano wowu wu ngu nyi tshanganisa ni vathu va gu mba haladza Jehovha?

      Gwadi ngudzu gu gimbileya hwindzo ni mhango. Khu kharato, ho ba hi kanakana gu khethu hagano nyo khaguri khwadi mwendro ne, tshukwana gu gimbileya hwindzo nawo

      Movha yi gimbiyago khu bambe nya gigomo. Hwane nya movha gu phede taleya bambe nya gigomo.

      4. Thumisa gwadi tepo yago

      Sistirini VHIDHYU, mu vbedza mu bhula khu siwudziso sesi.

      VHIDHYU: Ginani gi woneleyago tepo yago? (2:45)

      • Ndriyathu wa omu nya vhidhyu kha nga ba a sistiri silo nyo vivbe. Ganiolu khu gevbini gigaradzo hi gi wonago gwaye?

      Lerini Vafilipi 1:10, mu vbedza mu bhula khu giwudziso gegi:

      • Lowo wowu wu nga hi phasa kharini gu ghema tepo hi na vbedzago khu mihagano?

      5. Hatha gwadi mihagano yago

      Lisine gu yimbe mihagano kha yi mu tsakisi Jehovha, ganiolu gu na ni silo nya singi hi nga haganago khiso. Lerini Muhevbudzi 8:15 ni Vafilipi 4:8, mu vbedza mu bhula khu giwudziso gegi:

      • Khu yevbini mihagano u yi golago?

      Dzifoto: Vathu nya dzitanga nyo hambanehambane va dzi buzago khu mihagano nya yadi. 1. Nyamahegyane a engiseyago muzika na gu dhezenyari. 2. Madzaha mararu ma veteyago basketebhol. 3. Sikhwathana sivili si gimbidzisago dzibhisikaleta. 4. Gikhwathana gi girago brinkedho nya gimovhana. 5. Mwama a wombago ngoma. 6. Gikhwathana gi jogarigo videogame ni papayi wagyo. 7. Nyamayi a dusago dzifoto.

      Gu na ni mihagano nya yingi nya yadi u nga dzi buzago khiyo

      VAMBE VARI KHAVO: “Kha sa vivba gu sistiri filmi mwendro gu leri libhuku li ganeyago khu wughevenga, wubhayi mwendro wudhemoni. Egi gi vbwetegago, gu mba gira silo sesi.”

      • U di hadzi khuwe ginani?

      REZUMO

      Jehovha o vbweta gu khuye hi hatha mihagano nya yadi.

      Siwudziso nyo wusedze

      • Khu yevbini mihagano eyi Makristo ma gu mba yela gu hagana khiyo?

      • Khu ginani hi yedego gu dzi woneya ga tepo hi vbedzago na hi hagana?

      • Khu ginani u yedego gu hatha mihagano yi tsakisago Jehovha?

      Zama gu gira esi

      HEVBULA SIMBE

      Wona gu khuwe khu mani a yedego gu hi hatheya mihagano.

      “Ina Dzifakazi dza Jehovha dzi ngu himbedzeya dzifilmi, mabhuku ni dzimuzka nyo khaguri?” (Ndrima nya jw.org, khu Giputukezi)

      Wona gu khuwe u nga gira kharini gasi u hatha gwadi mihagano yago.

      “Ina mihagano yago yi ngu phasa?” (Mukhedziseyi nya 15 nya Outubro nya 2011, khu Giputukezi)

      Omu nya matimu “Nyi di ka nyi diga gihatheya,” wona egi gi giridego mwama nyo khaguri a vbindrugedza mihagano yaye.

      “Bhibhiliya yi ngu vbindrugedza womi nya vathu” (Mukhedziseyi nya 1 nya Fevereiro nya 2010, khu Giputukezi)

      Wona egi gi phasidego mamayi nyo khaguri gu mba sistiri programa yi yeyedzago silo nya wudhemoni.

      Potsa mihagano yi yelanago ni wudhemoni (2:02)