-
Bhibhiliya yari khiyo ginani khu malawu?Vbanya nu tsakide kala gupindruga! — Gihevbulo nya Bhibhiliya
-
-
4. U nga si kodza gu pala silingo
Ginani gi nga girago gu si garadza gu dwanisana ni gilingo nyo gire wubhayi? Sistirini VHIDHYU, mu vbedza mu bhula khu giwudziso gegi.
Omu nya vhidhyu, ginani egi ndriyathu nyo khaguri a giridego tepo a nga tugula khuye mapimo ni sigiro saye si di hadzi mu gira a si tumbegi ga mwangadzi waye?
Dzimbe dzitepo ambari Makristo nyo tumbege ma ngu dwanisana ni mapimo nya mba handzega. Ginani gi na gu phasago gu mba khaleya gu pimisa silo nya mba handzega? Lerini Vafilipi 4:8, mu vbedza mu bhula khu siwudziso sesi:
Silo muni hi yedego gu pimisa khiso?
Gu leri Bhibhiliya ni gu khala na hi pharegide thumoni wa Jehovha si nga hi phasa kharini gu pala silingo?
-
-
Hi nga gira kharini gasi hi tsakisa Jehovha khu maganelelo yathu?Vbanya nu tsakide kala gupindruga! — Gihevbulo nya Bhibhiliya
-
-
3. Ginani gi na hi phasago gu ganeya gwadi ni vambe?
Gutala nya dzitepo, esi hi ganeyago so yeyedza esi si gomogo mapimoni ni monyoni gwathu. (Luka 6:45) Khu kharato, gu vbwetega hi dzi garadzeya gu pimisa silo nya sadi — ‘nya gululame, nya guyele, nya guage, nya gugolege, nya guzundzege, nya ndruda, si yelago gu dhumiswa.’ (Vafilipi 4:8) Gasi si kodzega isoso, gu vbwetega hi hatha gwadi mihagano ni dzipari dzathu. (Mavingu 13:20) Nigu gwadi ngudzu gu pheya khu gu pimisa na hi si ganeyi gilo. Dundrugeya khedzi malito yago ma na kuhago khidzo vambe. Bhibhiliya yari khiyo: “Vomo va dusago [malito] nya gupaye kha nga litshari, aholu lidimi la va nya guti, la gu ninga womi.” — Mavingu 12:18.
-