Gira wupari ni ava va haladzago Jehovha

Khu ginani hi yedego gu gira wupari ni ava va haladzago Jehovha? Ava hi oloveyago gu dzi tshanganisa navo va nga hi bedza maragani mwendro gu hi bedza ndziyani nya yadi. (Mav 13:20) Khu giyeyedzo, Pfhumu Jowasi a di gu gira “mithumo nya gululame mbeli ga Pfhumu Nungungulu” matshigu yatshavbo a nga bari ni Muphasi nya mhamba Joyadha. (2Dzik 24:2) Hwane nya gu ba Joyadha a fude, Jowasi a di bangula Jehovha khu kotani nya gidinga nya mba gyadi. — 2Dzik 24:17-19.

Ga lizana-myaga nyo pheye Dziteponi dzathu, mupostoli Pawulo a di fananisa libandla nya wuKristo ni ‘nyumba,’ ni sivbango nya libandla nga “sombo” nyo thumise. Ha gu potsa gidinga ni vathu va oloveyago gu goroseya Jehovha, hi na simama na hiri ‘sombo si agidego.’ (2Tm 2:20, 21) Khu kharato, tshukwana hi simama gu gira wupari ni vathu va haladzago Jehovha, va na hi kutsago gu mu thumeya.

WONA VHIDHIYU YI GU KHIYO POTSA GIDINGA NYA MBA GYADI, KHU GU LANDREYA HLAMULA SIWUDZISO SI LANDREYAGO:

• Hi nga thanga kharini wupari ni vathu nya mba vadi nya gu mba si tugula?

• Avba nya vhidhiyu hi yi wonidego, ginani gi phasidego maKristo mararu gu kula gidinga nya mba gyadi khu khamba wakone?

• Matshina muni nya Bhibhiliya ma nga hi phasago gu hatha gwadi dzipari?