Ndziya nya gu dugeleye kha nga mutshumayeli — Lova madangaliya nya yadi

KHU GINANI SI GU SA LISIMA: Libhuku la 1 Vakorinto limwedo nya 14 madangaliya li lovidwego khu mupostoli Pawulo gasi gu tiyisa maKristo-kwanu. Lidangaliya la gu gira gu oyu a li lovago a hatha malito nya yadi gasi gu ma lova, nigu oyu a li hakhago a nga li leri gambe ni gambe. Lidangaliya ndziya nya yadi nya gu tshumayele khiyo valongo ni vathu hi vatigo. Ayo gambe ndziya nya yadi nya gu tshumayele khiyo vale si hi garadzeyago gu va mana khovbe ni khovbe. Khu giyeyedzo, hi ngu ba hi mana muthu a yeyedzago gutsakeya, ganiolu si hi garadzeya ngudzu gu mu mana gaya gwaye. Vambe gipandreni gwathu si ngu garadza gu va mana kholu va gu vbanya omu nya dzipredhiyu dzi khothwago, omu nya dzinyumba nya dzigradhi mwendro wulanga nyo sihale ngudzu. Tepo u loveyago madangaliya vathu va mambe mayigo, ginani u si yeligo gu gi divala?

EDZI U YEDEGO GU GIRA KHIDZO:

• 

  Lova esi u nga hadzi embeya muthu yoyo na ri khatshi wa gu mu mana gu bhula naye. Gupheyani nya lidangaliya dzegeya gu dzi pwadza gu khuwe khuwe mani, u bwe u tshamuseya gu khuwe khu ginani u mu lovedego lidangaliya lile. U nga mu gira giwudziso gasi gu a dundrugeya khigyo, u bwe u mu leleteya gu beya omu nya sayiti yathu. Khavbovbo, ganeya khu gihevbulo nya Bhibhiliya khu gu thumisa interneti, mwendro gihevbulo nya Bhibhiliya hi gi girago ni vathu magaya gwawe, mwendro gu khumbuga mihungo nya mahungu nya sipimo nyo khaguri si gomogo omu nya mabhuku yathu hi ma thumisago gasi gu hevbudza khayo. Avba nya lidangaliya lolo u nga pata konvhite, mwendro sidangaliyana

• U nga lovi silo nya singi, kholu wa gu li laphisa, oyu u mu loveyago, a na tedwa khu wugara nyo leri. —  Wona giyeyedzo nya lidangaliya nyo vbevbuge li gomogo avba nya pajina 8

• Li love khu dziletra nyo wonege, khu ndziya nya tumbunugo, nya wupari, li bwe li lerega gwadi. U nga divali gu lova lina lago avba nya envhelope.