Jehovha a di hadzi si wona kharini?

Na hi nga si hungi makungo, gani madugwana gani makhongolo, ina hi ngu dzi wudzisa gu khethu: ‘Jehovha a di hadzi si wona kharini?’ Ambari olu gima hi no ne guti satshavbo maningano ni mawonelo ya Jehovha, omu nya Lito laye, hi yeyedzide esi si vbwetegago gwathu gasi gu hi dongiseya gu gira “mithumo yatshavbo nya yadi.” (2Tm 3:16, 17; Ro 11:33, 34) Jesu a di gu pwisisa gwadi gugola ga Jehovha nigu khugo a nga gu thangisa womini gwaye. (Joh 4:34) Na hi gu pimedzeya Jesu, tshukwana hi gira esi hi si kodzago gasi gu hunga makungo ma tsakisago Jehovha. — Joh 8:28, 29; Ef 5:15-17.

WONA VHIDHIYU YI GU KHIYO: SIMAMA GU PWISISA GUGOLA GA JEHOVHA (LE 19:18), KHU HWANE HLAMULA SIWUDZISO SESI:

• Khu ginani hi yedego gu thumisa matshina nya milayo nya Bhibhiliya guvbanyani gwathu?

• Khu yavbi matshina nya milayo nya Bhibhiliya ma yedego gu patega tepo hi hathago dzimuzika?

• Khu yavbi matshina nya milayo nya Bhibhiliya ma yedego gu patega tepo hi hathago sombo nyo ambale gumogo ni gu dzi mburiseya?

• Khu sevbi simbe sipandre guvbanyani gwathu hi yedego gu thumisa matshina nya milayo nya Bhibhiliya?

• Hi nga tshukwadzisa kharini makodzelo yathu nyo guti gugola ga Jehovha?