MAVBANYELO NYA WUKRISTO

Mavbanyelo yago ma nga ganeya gilogyo

Giyeyedzo nya gyadi gya vagadzi va khadego maKristo, ma nga kutsa vama vawe gu khala navo maKristo. Ganiolu, adzina si nga lomba gu khiso nyamayi a emisana ni yimbwa nya dzikeho khu myaga nya yingi. (1Pe 2:21-23; 3:1, 2) Abari iso kamo si gu dugeleyago, simama gu pala guvivba khu wuwadi. (Ro 12:21) Mavbanyelo yago nya yadi adzina ma nga asa ndziya nya yadi eyi malito yonga ma nga hadzi gu yi tandra.

Zama gu pwisisa mawonelo ya mwama wago. (Flp 2:3, 4) Dzi vege wulangani waye u bwe u mu khathaleya. Gira ni gevbini gasi gu khathaleya mithumo yago nga mwangadzi. Khala muengiseyi nya wadi. (Jak 1:19) U nga khali muthu nya gimonywana, ni gu gambe, yeyedza mwama wago gu khuwe u ngu mu haladza. Ambari mwama wago a gu mba gu yeyedza wuwadi ni githawo gya gimwegyo, u nga garadzegi kholu Jehovha a ngu ninga lisima esi u girago. — 1Pe 2:19, 20.

WONA VHIDHIYU YI GU KHIYO, JEHOVHA A NGU HI NINGA TSHIVBA NYA GU RWALE MIRWALO YATHU, KHAVBOVBO U HLAMULA SIWUDZISO SESI:

Hwanenyana nya gu ba Grace Li na tshadhide, wu diri kharini womi waye?
Ginani gi mu kutsidego gu hevbula lisine nya Bhibhiliya?
Hwane nya gu ba ndriyathu Grace a bhapatisidwe, sigaradzo muni a emisanidego naso, nigu tsaramisanide naso kharini?
Ginani ndriyathu Grace a gi gombedego maningano ni mwama waye?
Makategwa muni ndriyathu Grace a ma manidego khu kotani nya mavbanyelo yaye nya yadi ni githawo gyaye nya gikhongolo?

Sipandre nya vhidhyu ‘Jehovha a ngu hi ninga tshivba nya gu rwale mirwalo yathu,’ si yeyedzago gu dandra khu liphuvboni ga Li. 1. Grace a liyago. 2. Ndriyathu a hevbulago Bhibhiliya ni Grace. 3. Grace ni gyanana gyaye va dugago khu restaurante va hongola mitshanganoni. 4. Grace ni valongo vaye va gu romo Salawuni nya Mufumo. — Mavbanyelo nya yadi ni githawo nyo ete si na ni tshivba nya yikhongolo!