DZITHOMBA NYA LITO LA NUNGUNGULU | GENESI 32-33

U ngu dzi garadza gasi gu mana makategwa?

32:24-28

Gasi gu hi mana makategwa ya Jehovha hi yede gu dzi garadza khu gu thangisa Mufumu wa Nungungulu gupheya womini gwathu. (1Ko 9:26, 27) Tepo hi thumeyago Jehovha hi yede gu manega ni gudziemiseya a ga ba a ri nago Jakobe tepo a nga dwana ni ngilozi. Ethu hi nga yeyedza gu khethu hi dzi emisede gu hakha makategwa ya Jehovha khu gu hi . . .

Dongiseya gwadi mitshangano yatshavbo nya libandla
Manega tepo yatshavbo thumoni nya gu tshumayele
Dzi garadzeya gu phasa vambe libandlani

Foto: Mamayi nya mbhiri a pharegidego. 1. Uye o gira nombelo gasi gu pheya gwadi litshigu. 2. A khataleya gyanana gyaye nya gidugwana na si gu hongoli thumoni nyo tshumayele. 3. Uye tsakide ngudzu khu gu thuma thumoni nyo tshumayele, ni sanana saye sasivili ni mumbe ndriyathu nya nyamayi wa li bandlani gwaye.

Ni ga gyevbini giemo nyo garadze u emisanago nagyo, gombeya tepo yatshavbo ga Jehovha u mu lomba giphaso u bwe u mu lomba gu a kategisa gu dzigaradza u gu girago gasi gu mu thumeya.

DZI WUDZISE KHUWE, ‘Ginani nyi nga tshukwadzisago guvbanyani gwangu gasi nyi dinganedwa khu gu hakha makategwa ya Jehovha?’