DZITHOMBA NYA LITO LA NUNGUNGULU | EKISODHA 35–36

Dzi dongiseye gasi gu gira Thumo wa Jehovha

35:25, 26, 30-35; 36:1, 2

Liphuvbo nya guage la Jehovha li dongisede Bhezaleli ni Awoliyabhi gu gira makungu nya edzi va nga ba va yede gu gira khidzo tabhernakeli. (Wona foto yi gomogo avba nya kapa.) Tshivba nya liphuvbo nya guage la Jehovha yi dzi emisede gu phasa sithumi saye muhuno. Hi nga wuyedwa kharini khu liphuvbo nya guage?

Hi yede gu gombeya hi lomba liphuvbo nya guage gasi li hi phasa gu engedzeya makodzelo hi gu nawo thumoni wa Jehovha
Hi yede gu dzigaradzeya gu gira gihevbulo nyo ete gi seketedwago omu nya lito la Nungungulu
Hi yede gu gira satshavbo hi si kodzago gasi gu gira ni wevbini thumo hi nga ningwago

Dzifoto: Dzifakazi dzi Girago mithumo ya Jehovha. 1. Ndriyathu nya nyamayi a phasedzeyago thumoni nya gu vbahe. 2. Ndriyathu a dzi dongiseyago gasi guya gimbidzisa gihevbulo nya Mukhedziseyi. 3. Ndriyathu a tshumayelago mune loja, mumbe ndriyathu na gu khedza vawugeyi. 4. Patwa wu gu romo xikwatunu nya vavhangeli.

Mithumo muni eyi Jehovha a nga gu dongiseyago gu gira?