Mitshamuselo yi gomogo omu nya mabhuku ma khumbugidwego omu nya gibhukwana nya mitshangano nya thumo ni mavbanyelo
7-13 nya Março
DZITHOMBA NYA LITO LA NUNGUNGULU | 1 SAMUWELI 12–13
“Gudzikhusedza gu nga hi gira hi thega dzitshoni”
w00 1/8 paj. 13, ndri. 17 Gudzikhusedza gu nga hi gira hi thega dzitshoni
Gupheyani esi a nga ba a gira Sawule, si di gu wonega nga khatshi a na ni gighelo nyo gire. Kholu vathu va Nungungulu “va di gu randredwe khu maphuvbo yatshavbo” nigu vadi gu tade khu hwanga. (1 Samuweli 13:6, 7) khu lisine, kha sa vivba gupheya khuwe u gira gilogyo so ba si lombega. Ganiolu, dundruga gu khuwe Jehovha a ngu wona myonyo yathu nigu a ngu siti esi si hi kutsago gu gira gilogyo. (1 Samuweli 16:7) Si nga gira na tugude silo nyo khaguri maningano khu Sawule iso nya gu khasa lowa khu gu kongoma omu nya Bhibhiliya. Khu giyeyedzo, adzina wonide gu khuye Sawule mwalo gu laphisa monyo kholu a nga ba a dzi khusedza. Kha nga olu Sawule a nga ba ari pfhumu ya Israyeli, si nga gira na gorogide ngudzu khu gu ba a vireya muprofeti a nga ba a dandride khu tanga. Khu mambe maganelelo, Sawule a di gu pimisa gu khuye olu Samuweli a hweyago gu vboha, a di yede gu khathaleya silo a nga ba ari mwalo fanelo nyo si khathaleye. Handro muni a wu manidego khu gu gira isoso? Samuweli kha zundza Sawule khesi a nga gira. Vbavbandzi nya isoso, uye a di mu embeya gu khuye: “Mufumo wago kha wu naya mbeli . . . kholu uwe khwa landrisa esi PFHUMU Nungungulu a gu leletedego.” (1 Samuweli 13:13, 14) Gudzikhusedza gu mu giride a thega dzitshoni.
Kemba dzithomba nya liphuvbo
w11 15/7 dzipaj. 13-14, ndri. 15
Ina u na landrisa khu lihaladzo sileletelo sa Jehovha?
Ina vathu va di gu pimisa gu khavo muthu a gu pfhumu, a di hadzi tumbega gu vbindra Jehovha? Abari gu va di gu pimisa kharato, avo va di gu dzi lipheya. Nigu isoso, si di hadzi va gira va thegeya ga mambe malipha ya Sathane. Dzipfhumu dzodzo dzi di hadzi va gira va thegeya omu nya wukhozeyi nya sifananiso. Vakhozeyi nya sifananiso, vo gira gihoso khu gu va pimisa gu khavo sifananiso nyo khaguri, nya nga vanungungulu nya madhera mwendro nya siwindri, va ngu tumbega gu vbindra Nungungulu Jehovha, oyu a nga vanga silo satshavbo. Ganiolu, kha nga esi Mupostoli Pawulo a nga ganeya, iso “khandri vanungungulu tigoni.” (1Ko 8:4) Kha si woni, kha sipwi, kha si ganeyi mwendro gu gira gilogyo. U nga si wona ni gu si kuha, ganiolu wo tshuka u khozeya gimwegyo gyakona, u na bani u landra malipha, ayo khu gu hegisa mana gu yisago mhangoni. — Ndz 115:4-8.
14-20 nya Março
DZITHOMBA NYA LITO LA NUNGUNGULU | 1 SAMUWELI 14–15
“Gu engisa i tshukwana gu vbindra miphaso”
w07 15/6 dzipaj. 26-27, ndri. 4
Gu engisa i tshukwana gu vbindra miphaso
Jehovha a ngu ninga ngudzu lisima gu engisa gwathu. Kha nga muvangi, Jehovha khuye mune nya satshavbo hi gu naso. Ambari ulolo, ina gyomo hi nga mu ningago? Ina, hi nga mu ninga gilo nya lisima ngudzu. Nya nga ginani? Hlamulo hi na wu mana avba nya gigengedzo gegi: “Mwanangu, tala khu wugengeli nya mapimo u tsakisa monyo wangu, gasi nyi na kodza gu ninga phindrulo uye a nyi hembululago.” (Mavingu 27:11) Khu kharato, egi hi yedego gu ninga Nungungulu gu engisa. Ambari ho ba hi emisana ni siemo nyo hambanehambane, moyo ni moyo wathu khu gu engisa a na ganedza malipha ya Sathane nya gu khuye vathu kha va na nga simama gu tumbega ga Jehovha va gu ba va emisana ni sigaradzo. Isoso lithomo gwathu.
Kemba dzithomba nya liphuvbo
it-1 dzipaj. 519-520
Pweya wusiwana
Gu dzi garadzeya gu yeyedza pweya wusiwana na ri gu isoso si ngu hambana ni gugola ga Nungungulu, si nga gu reseya mihandro nya mba yadi. Esi si ngu tiyisegiswa khesi si nga giregeya Pfhumu Sawule. Yi di vbohide tepo nyo lamule Vaamaleki, vathu va nga pheya khavo gu wugeya Vaisrayeli hwane nyo ba va dugide khu Egipto. Sawule rumidwe gu mba va pweya wusiwana. Napwa gu garadzwa khu gitshungu, uye kha si kodza gu landrisa gileletelo gya Jehovha. Khu kharato, Jehovha kha dzumeya gu Sawule a khala pfhumu. (1Sa 15: 2-24) Oyu a landrisago dzindziya dza Jehovha a bwe a tumbega gwaye, si nga gira a potsa sihoso esi si nga mu girago a si tsakedwi khu Jehovha kha nga esi si nga giregeya Sawule.
21-27 nya Março
DZITHOMBA NYA LITO LA NUNGUNGULU | 1 SAMUWELI 16-17
‘Litunga khya Jehovha’
wp16.5. paj. 11, dzindri. 2-3
‘Litunga khya Jehovha’
Dhavhidhe ganede khu tepo a nga songa ngala (leão) ni gikankanka (ursu) gasi gu Sawule a mu diga a hongola nyimbitunu. So thula gu khiso a di gu vbweta gu dzi yeyedza? Ahihi. Dhavhidhe a di gu dziti gu khuye kha pala sirengo sile khu tshivba yaye. A di khuye: “Pfhumu Nungungulu a nyi vbulugisidego mandzani nya ngala ni mandzani ga gikankanka, a na nyi vbulugisa gambe mandzani ga Mufilistiya yoyo.” Sawule a di dzumeya a mu embeya gu khuye: “Gimbila, PFHUMU Nungungulu a na khale ni uwe.”— 1 Samuweli 17:37.
Ina u ngu dzina gu manega ni gukhodwa nyo tiye nya nga ugo ga Dhavhidhe? Gukhodwa ga Dhavhidhe kha ga nga ba gu seketedwa khu silo si nga ba sita khu hungoni gwaye. Esi a si hevbudego ni esi a nga si vbanya si mu phaside gu haguleya gukhodwa nyo tiye. Uye a di gu dziti gu khuye Jehovha a ngu vhikeya sithumi saye ni gu a ngu tadzisa situmbiso saye. Gasi gu manega ni gukhodwa nya nga ogu, hi yede gu simama gu hevbula khu Jehovha. Nigu, tepo hi girago esi Jehovha a hi lombago, womi wathu wo simama gu tshukwata. Khu kharato, gukhodwa gwathu go engedzeya gu tiya. — Vahebheru 11:1.
wp16.5 paj. 12, ndri. 4
‘Litunga khya Jehovha’
Muhuno, sithumi sa Jehovha kha si pategi avbo nya dzinyimbi. Dzinyimbi dzi thudwago avba khidzo dza gale. (Matewu 26:52) Ambari ulolo, hi yede gu pimedzeya gukhodwa ga Dhavhidhe. Hi yede gu wona Jehovha nga muthu nya lisine, nga Nungungulu a yedwago khu gu hakha wuzundzu. Dzimbe dzitepo, hi nga wona nga khatshi sigaradzo sathu sikhongolo ngudzu. Ganiolu, iso si dugwana ha gu si fananisa ni tshivba ya Jehovha iyo yi gu mba hegedwa. Ha gu hatha gu thumeya Jehovha hi bwe hi khodwa gwaye kha nga Dhavhidhe, gimwalo ni gevbini gi na hi theyago hwanga. Tshivba ya Jehovha yi khongolo gu vbindra ni gevbini gigaradzo hi nga emisanago nagyo.
28 nya Março–3 nya Abril
DZITHOMBA NYA LITO LA NUNGUNGULU | 1 SAMUWELI 18-19
“Simama gu dzinogisa ambari wagu dugeleya”
w04 1/4 paj. 15, ndri. 4
Tepo u vbindrugedzago silo nyo khaguri womini wago tumba liphuvbo nya guage la Jehovha
Khu gitepwana lidzaha leli nya muhavisi li di hazi manega ni ndruma gwatshavbo Israyeli. Adi ranwa gasi guya thumeya Pfhumu a bwe a mu embeleya dzindzimo. Dhavhidhe songide Gholiya mwama nya tshivba, a nga ba a thawa khu masotshwa ya Israyeli ma nga ba ma olovede gu dwana. Dhavhidhe hathidwe gasi gu thangeya vama va nga ba va hongola nyimbitunu nigu, va dugelede tepo va nga dwana ni Vafilistiya. Vathu va di gu mu gola ngudzu. Va di embeleya dzindzimo gasi gu mu zundza. Vbavbandze nya isoso, singalagadzi moyo wa Pfhumu Sawule ganede khu muphya Dhavhidhe na siri basi nga muthu a “kodzago gu womba” gitendre (harpa) uye gambe “mudwani ni ndrena nya nyimbi, a ngu kodza gu ganeya gwadi, a na ni giemo nya gukhalege”.— 1 Samuweli 16:18; 17:23, 24, 45-51; 18:5-7.
4-10 nya Abril
DZITHOMBA NYA LITO LA NUNGUNGULU | 1 SAMUWELI 20-22
“Edzi u nga khalago khidzo pari nya yadi”
Haguleya wupari ni vambe na ma nga si vbohi mahegiso
Muhuno, vandriyathu va ngu emisana ni sigaradzo nyo hambanehambane. Khu giyeyedzo, nya vangi va ngu tshaniseka khu kotani nya dzimhango nya tumbunugo mwendro edzi dzi vangwago khu vathu. Tepo si dugeleyago isoso, vambe gwathu va nga dzi ningedza gasi gu hakha dzipari dzodzo dzindrangani gwawe. Vambe va nga phasedzeya khu dzitsapawu. Ganiolu hatshavbo hi nga lomba Jehovha gu khethu a phasa vandriyathu. Ha gu tugula gu khethu vandriyathu va vbede tshivba, adzina hi nga hamuga ni gilo nyo ganeye mwendro nyo gire. Ganiolu hatshavbo hi nga va phasa. Khu giyeyedzo, hi nga dzi ninga tepo gasi hi khala ni pari yathu. Hi nga mu engiseya gwadi tepo a ganeyago. Nigu hi nga mu bhuleya khu lowo hi wu golago ngudzu, owu wu hi thaveleyago. (Isa. 50:4) Nya lisima ngudzu khu gu dzi emiseya gu phasa dzipari dzago tepo dzi vbwetago giphaso. — Leri Mavingu 17:17.
w08 15/2 paj. 8, ndri. 7
Hongoleni hi gimbiya dzindziyani dza Jehovha
Nungungulu o vbweta gu khuye hi khala dzipari nyo tumbege. (Mav 17:17) Jonatane gyanana gya Pfhumu Sawule gi khade pari ya Dhavhidhe. Tepo Jonatane a nga dziti gu khuye Dhavhidhe songide Gholiya “a di gola Dhavhidhe kha nga idzo a dzi golago khidzo wurumba waye. “ (1Sa 18:1, 3) Jonatane a di bwe a mu gengedza gu khuye, Sawule a gu vbweta gu mu songa. Hwane nya gu ba Dhavhidhe a thavide, Jonatane a di ya manana naye, vavavili va gira pwanano. Khu gu ba Jonatane a ganede ni Sawule maningano khu Dhavhidhe, isoso si vegide womi waye mhangoni ganiolu, vavavili va mananide gambe gasi gu tiyisa wupari wawe. (1Sa 20:24-41) Khu tepo nya guhegise va nga manana, Jonatane ‘a diya mu tiyisa gasi a tumba Nungungulu.’ — 1 Sa. 23:16-18.
Kemba dzithomba nya liphuvbo
w05 15/3 paj. 24, ndri. 4
Gukhanyiswa ga libhuku la 1 Samuweli
21:12, 13. Jehovha o vireya gu khuye hi thumisa wugengeyi wathu ni makodzelo yathu tepo hi tshanganago ni sigaradzo womini. Uye a hi ningide Bhibhiliya, iyo yi hi phasago gu manega ni wugengeyi, guti ni makodzelo nya gu pwisise gwadi. (Mavingu 1:4) Nigu, hi na ni giphaso nya Madhota.
18-24 nya Abril
DZITHOMBA NYA LITO LA NUNGUNGULU | 1 SAMUWELI 23-24
“Vireya Jehovha na wu gu timiseya”
w04 1/4 paj. 16, ndri. 8
Tepo u vbindrugedzago silo nyo khaguri womini wago tumba liphuvbo nya guage la Jehovha
Dhavhidhe bombide gu songa Sawule. Khu gukhodwa ni gu laphisa monyo, digede satshavbo mandzani ga Jehovha. Hwane nya gu ba Pfhumu yi dugide khu phagoni, Dhavhidhe a di ganeya khu lito nyo khugege khuye: “PFHUMU Nungungulu a na lamule eni ni uwe, a na nyi phodzele PFHUMU Nungungulu khu kotani yago, aholu eni kha nyi na nga khusa mandza yangu nyi gu kuha.” (1 Samuweli 24:12) Ambari olu a nga ba a dziti gu khuye Sawule a di gu hosisa, Dhavhidhe kha phodza, kha ganeya guvivba khuye ni gu kha mu phara khu ndziya nya mba yadi. Dhavhidhe bombide khu dzitepo nya dzingi gu phodza. Vbavbandze nya isoso uye virede Jehovha a lulamisa silo.— 1 Samuweli 25:32-34; 26:10, 11.
25 nya Abril–1 nya Maio
DZITHOMBA NYA LITO LA NUNGUNGULU | 1 SAMUWELI 25-26
“Ina u ngu gira silo nya mba pheya khu gu pimisa?”
ia dzipaj. 78-79, dzindri. 10-12
Uye giride silo khu wugengeyi
Masotshwa ma di gu phara kharini vahavisi? Si di gu va vbevbugeya gu dzega nvuta khu tepo va yinago ganiolu, kha va nga ba va gira isoso. Gu hambana ni isoso, avo va diri nga muru nya givhikelo ga dzinvuta ni ga sithumi sa Nabhali. (Leri 1 Samuweli 25:15, 16.) Dzinvuta ni vahavisi va di gu vhikisana ni dzimhango nya dzingi. Gu diri ni sirengo nya sikhongolo nigu, vbingano wa marandze ga Israyeli wu diri vbafuvbi. Khu kharato, si di gu vbevbuga gu ta phangwa khu sighevenga ni dzimbafa dza limbe litigo.
Kha sa nga ba si vbevbuga gu hodzisa vama vatshavbo vale giwulani. Khu kharato, Dhavhidhe rumede 10 vathu ga Nabhali gasi guya lomba giphaso. Dhavhidhe hathide tepo nya yadi. Gu diri tepo nyo gaye dzinvuta nigu, si di gu olovelegide gu gira sipfhitsha ni gu yeyedza wuwadi. Dhavhidhe hathide malito nya yadi nya githawo. Uye ganede a dzi thula uye mune khuye: “mwamana wago Dhavhidhe” a dzina na gu yeyedza githawo kholu, Nabhali a diri khongolo gwaye. Nabhali hlamude kharini?— 1 Sa 25:5-8.
Uye a di goroga. Githumi gya Abhighayili gi nga thudwa gu pheyani, gi di embeya muni wagyo gu khigyo, Nabhali “khata va hakha gwadi.” Nabhali a di pheya gu ngurangura khu kotani nya pawu yaye nya lisima, mati ni nyama. Uye a di hega Dhavhidhe a mu wona nga muthu nya mba phasa gilo, a bwe a mu fananisa ni githumi nyo legalege. Mawonelo yoyo, adzina ma di gu fana ni aya ya Sawule a nga ba a nyenya Dhavhidhe. Mwalo ni moyo wawe a nga ba a pimisa nga Jehovha, oyu a nga ba a gola Dhavhidhe. Uye a nga ba a mu wona nga Pfhumu yi na fumago Israyeli na siri githumi nyo mba engisa. — 1 Sa 25:10, 11, 14.
ia paj. 80 ndri. 18
Uye giride silo khu wugengeyi
Uye dzumede nandru nya esi si nga girega nigu, lombide divalelo ga Dhavhidhe. Abhighayili ganede khu gu kongoma gu khuye, mwama waye a diri gipumbu nga edzi lina laye li ganeyago. Vbohede avbo nya gu a dusa mawonelo nya gu khuye, Dhavhidhe a di si yeli gu mu tsayisa. Uye tumbide Dhavhidhe kha nga girumwa gya Jehovha, na gu dziti gu khuye a di gu dwaneya “dzinyimbi dza Pfhumu Nungungulu”. Uye yeyedzide guti gitumbiso gya Jehovha maningano khu Dhavhidhe ni mufumu waye khu gu khuye: ‘ Jehovha . . . a na gu emisa u khala mufumeli wa Israyeli.’ Vbavbandze nya isoso, uye lombide Dhavhidhe gu a si giri ni gevbini gi nga mu girago a mana nandru nya novba mwendro khu gu gimbiya nya tepo “gi si khali gilo nya gikhunguvanyiso” mwendro gu garadzwa khu livhalo laye. (Leri Samuweli 25:24-31.) Nya mba kanakana, malito nya yadi ma kuhago monyo.
Kemba dzithomba nya liphuvbo
ia paj. 80 ndri. 16
Uye giride silo khu wugengeyi
Isoso so thula gu khiso, Abhighayili a di wugeya wuthangeyi wa Nabhali? Ne. Dundruga gu khuwe, Nabhali kha phara gwadi githumi nyo todzwe gya Jehovha. Isoso si di hadzi gira gu, gufa vathu nya vangi ndrangani ga Nabhali. So thula gu khiso na ri khatsi Abhighayili kha nga gira gilo, a di hadzi mana nandru nga mwama waye? Abari kharato, a di yede gu thangisa Nungungulu, na siri mwama waye.