Ina u ngu siwona edzi Jehovha a hlamulago khidzo milombelo yago?

Bhibhiliya yi tade khu siyeyedzo nya milombelo yi nga hlamudwa khu Jehovha. Tepo sithumi sa Jehovha si nga ba si wona edzi a nga ba asi phasa khidzo, tepo si nga ba si emisana ni sigaradzo gukhodwa gwaso gu di tiya. khu kharato gwadi ngudzu gu gira milombelo nya gu kongome ni gu zama gu wona edzi Jehovha a hlamulago khidzo. Dundruga gu khuwe esi a na gu hlamulago si nga tshuka si hambana ni esi u nga lomba. (2Ko 12:7-9; Ef 3:20) Ginani egi Jehovha a na hi ningago gasi gu hlamula esi hi nga lomba?

• Tshivba, gurula, mwendro gukhodwa nyo tiye gasi hi emisana ni sigaradzo. — Flp 4:13.

• Guti gu nga hi phasago gu hunga silo nya sadi. — Jak 1:5

• Tshivba ni gudogoreya gu gira silo nya sadi. — Flp 2:13

• Gurula ha gu ba hi garadzega. — Flp 4:6, 7

• Giphaso gya vambe. — 1Jo 3:17, 18

• Giphaso ga vale hi va gombeleyago. — Mith 12:5, 11

YEYEDZA VHIDHYU JEHOVHA A NGUPWA MI LOMBELO, KHU GU LANDREYA GIRA SIWUDZISO SESI:

• Matshango ya ndriyathu Shimizu’s ma nga hi phasa kharini a gu ba hi si sikodzi gu gira satshavbo hi nga ba hi tsakeya gu gira khu kotani nya madwali?

• Hi nga pimedzeya kharini giyeyedzo gya ndriyathu Shimizu’s?