MAVBANYELO NYA WUKRISTO
Tumba Jehovha tepo u tsorodzedwago
Vathu va golago gu tsorodzeya vambe va nga hi gira hi vbeya tshivba mwendro gu khunguvanyega. Avo va nga hi gira hi vbola khu liphuvboni ha gu va thava. U nga dzi vhikeya kharini tepo u tsorodzedwago?
Vakhozeyi nya vangi va Jehovha va dugelede tepo va nga tshangana ni siemo nya nga esi khu gu tumba Jehovha. (Ndz 18:17) Khu giyeyedzo, Esiteri a di lomba gu tivegisa makungo nya gu vivbe ya Hamani. (Es 7:1-6) Na nga si giri isoso, yeyedzide gu khuye a di gu tumba Jehovha khu gu pheya khu gu pfhunga. (Es 4:14-16) Jehovha a kategiside esi a giridego a bwe a mu vhikeya gumogo ni vathu vaye.
Vaphya, mwa gu tsorodzedwa lombani giphaso ga Jehovha mu ganeya ni muthu nya khongolo gwanu, nya nga vavelegi vanu, khu gigaradzo gyogyo. Mu nga tiyisega gu khenu Jehovha a na mi phasa gufana ni edzi a phasidego khidzo Esiteri. Ginani gambe mu nga girago mwa gu tsorodzedwa?
YEYEDZA VHIDHYU YI GU KHIYO WUPYA WANGU — GINANI NYI NGA GIRAGO NYA GU TSORODZEDWA, KHU GU LANDREYA GIRA SIWUDZISO SESI:
Vaphya va nga hevbula ginani khu giyeyedzo gya Charlie ni Ferin?
Vavelegi va nga hevbula ginani khesi Charlie ni Ferin va ganedego maningano khedzi va nga phasago khidzo sanana sawe sa gu tsorodzedwa?