Mahungu muni nya yadi a gu nawo Nungungulu?

1. Mahungu muni nya yadi a gu nawo Nungungulu?

Nungungulu o vbweta gu khuye vathu va vbanya mafuni. Uye vangide mafu ni satshavbo si gomogo mafuni kholu a haladzago vathu. Nugunugu a na thumisa tshivba yaye gasi vathu va mana gu vbanya gwadi tigoni gwatshavbo. Uye a na tshula vathu siloni si vangago gutshaniseka. — Hevbula Jeremiya 29:11.

Wu mwalo mufumo wu kodzidego gu vbedza gudwana, madwali mwendro gufa. Ganiolu momo mahungu nya yadi. Nugunugu Nungungulu a na tshikedza mifumo yatshavbo ya vathu khu mufumo waye. Ava va na fumedwago khuwo va na mana gurula ni womi nya wadi. — Hevbula Isaya 25:8; 33:24; Dhaniyeli 2:44.

2. Khu ginani mahungu nya yadi ma gu ya givbiredza?

Gutshaniseka gu na vbeya basi tepo Nungungulu a na fuvisago vathu nya guvivbe mafuni. (Sofoniya 2:3) Si na girega lini isoso? Lito la Nungungulu li ganede gale khu makhalelo yaya ma vegago vathu mhangoni muhuno. Sigiro sa matshigwanaya sa gu yeyedza gu khiso tepo ya Nungungulu nya gu thumise tshivba yaye yomo vbafuvbi. — Hevbula 2 Thimoti 3:1-5.

3. Ginani hi yedego gu gira?

Hi yede gu hevbula khu Nungungulu khu gu thumisa Lito laye, a gu Bhibhiliya. Iyo ya gu fanana ni lidangaliya hi lovedwego khu babe nya lihaladzo. Iyo ya gu hi yeyedza ndziya nya gu mane mavbanyelo nya yadi muhuno ni ndziya nya gu vbanye kala gupindruga mafuni mindru wa tshigu. Khu lisine, vambe kha va na nga gola gu khavo u phaswa gu pwisisa Bhibhiliya. Ganiolu, gu tuledwa ndziya gasi u mana gu vbanya gwadi mindru wa tshigu gilo nya gyadi ngudzu u si yeligo gu gi luza. — Hevbula Mavingu 29:25; Gutuledwa 14:6, 7.