GIPANDRE 14

U nga yeyedza kharini gutumbega gwago ga Jehovha?

Ema u tiya guseketeyani gwago Nungungulu. 1 Pedro 5:6-9

Mukristo a bombago gu dzi bedzedzeya omu nya wukhongeli nya malipha mwendro omu nya silo nya politika

U nga landriseyi siolovedzo si si pwananigo ni Bhibhiliya. Gasi gu vbanya khu milayo ya Nungungulu gu vbwetega gutiya hambo.

U nga dzi bedzi omu nya politika nya mifumo kholu iyo kha yi seketeyi Jehovha ni Mufumo waye.

Hatha gwadi mavbanyelo — engisa Nungungulu. Matewu 7:24, 25

Mwama a gomogo tshanganoni Salawuni nya Mufumo, a bwe hevbula Bhibhiliya ni Dzifakazi dza Jehovha

Oloveya gu manega mitshanganoni ya Dzifakazi dza Jehovha; idzo dzi na gu phasa gu muti gwadi Nungungulu.

Simama gu hevbhula khu Nungungulu u bwe u dzi garadzeya gu landriseya sileletelo saye.

Mwama a dzi hendzeledzago ga Jehovha khu nombelo, khu hwane a bhapatiswa

Gukhodwa gwago ga gu tiya, gu vbwetega gu u hendzeledza womi wago ga Jehovha u bwe u bhapatiswa.— Matewu 28:19.

Engisa Nungungulu. Hevbula Bhibhiliya u bwe u lomba Dzifakazi dza Jehovha gasi dzi gu phasa gu yi pwisisa. Khavbovbo, landreya esi u hevbulago. Wo gira isoso, u na vbanya kala gupindruga.— Ndzimo 37:29.