GIPANDRE 7

A diri mani Jesu?

Jehovha a di rumeya Jesu mafuni. 1 Johane 4:9

Jesu a gomogo ndzadzini khu nyamudye ga Nungungulu

Ha gu vbweta gu tsakisa Jehovha, gu vbwetega gu hi engisa mumbe muthu nya khongolo. Gale ngudzu na a si gu vangi Adhamu, Jehovha phede khu gu vanga muthu nya liphuvbo nya tshivba ndzadzini.

Mariya na ari ni mimba; hwane nya gu ba Jesu a velegidwe

Khu gugimbiya nya tepo, Jehovha a di rumeya muthu yoyo mafuni gasi a ta velegedwa Bhetlehema khu gyadzyana nya mbiri gi ranwago Mariya. Gyanana gyogyo gi di ridwa gu pwani khu Jesu. — Johane 6:38.

Tepo a nga ba a romo mafuni kha nga muthu nya nyama, Jesu yeyedzide makhalelo ya Nungungulu khu guvbeleya. A diri muthu nya wadi, nya lihaladzo, nya guhidzimelege. Hevbudzide vambe lisine la Jehovha na a si thavi gilo.

Jesu giride silo nya sadi, ganiolu a di vengwa. 1 Pedro 2:21-24

Jesu a wusa gyagadzana gi nga ba gi fude a bwe a hawulugisa mwama nya mudwali

Vathangeli nya wukhongeli va vengide Jesu kholu a nga ba na a gu tshula vathuni sihevbudzo sawe nya malipha ni mavbanyelo yawe nya guvivbe.

Jesu gambe vbanyiside vadwali a bwe a wusa vathu nya gufe.

Vathangeli nya wukhongeli va di kutsedzeya dzipfhumu dza Roma gu veta Jesu dzi bwe dzi mu songa.