GIPANDRE 9

Yi nata lini Paradhesi?

Sigaradzo hi si wonago mafuni so yeyedza gu khiso Mufumo wa Nungungulu womo vbafuvbi ni gu hi lamuleya. Luka 21:10, 11; 2 Thimoti 3:1-5

Sigaradzo si olovelegidego matshiguni nya guhegise — lotariya, dzinyimbi, mitungu, dzindzala, gu mba engisa vavelegi, ni wughevenga

Bhibhiliya yi profetide silo nya singi si giregago muhuno. Yi ganede gu khiyo vathu va na gola dzitsapawu, va si engisi vavelegi, va wugeyana va bwe va gola gu dzi tsakisa.

Gu na manega sirevareva, dzinyimbi, dzindzala ni madwali malangani nya gutale. Silo soso si ngu girega muhuno.

Fakazi ya Jehovha yi tshumayelago mahungu nya yadi nya Mufumo wa Nungungulu ga mwama nyo khaguri

Jesu ganede gambe gu khuye mahungu nya yadi nya Mufumo ma na tshumayedwa mafuni gwatshavbo. — Matewu 24:14.

Mufumo wa Nungungulu wu na fuvisa guvivba gwatshavbo. 2 Pedro 3:13

Va nya guvivba va na fuviswa avba nya Harimagedhoni, Sathane ni madhemoni yaye va na tsayiswa

Nugunugu Jehovha a na fuvisa vathu vatshavbo nya guvivbe.

Sathane ni madhemoni va na tsayiswa.

Jesu a khadego gikhaloni gyaye nya wufumu ni vathu nya dzitshonge nyo hambanehambane na va tsakide

Ava va engisago Nungungulu va na vbuluga va bwe va beya mafuni maphya nya gululame, omu gu na gu ba guri mwalo guthava, ni omu vathu va na tumbanago ni gu haladzana.