Gudivaleya
Jehovha a gu yeyedza kharini gu khuye a dzi emisede gu divaleya?
Ndz 86:5; Dhan 9:9; Mik 7:18
Wona gambe 2Pe 3:9
Siyeyedzo nya Bhibhiliya si na gu phasago:
Ndz 78:40, 41; 106:36-46 — Vaisrayeli va khunguvanyiside Jehovha khu dzitepo nya dzingi, ganiolu Uye dzitepo dzatshavbo a di dzi emisede gu va divaleya
Lu 15:11-32 — Jesu ningide giyeyedzo nya divalelo wa Jehovha tepo a nga tshamuseya edzi papayi nya wuhindzi a pharidego khidzo gyanana gyaye tepo gi nga dzilaya khu silo nyo vivbe gi giredego
Ginani egi Jehovha a giridego gasi hi divaledwa sighoho sathu?
Siyeyedzo nya Bhibhiliya si na gu phasago:
Heb 9:22-28 — Mupostoli Pawulo tshamusede gu khuye khu kotani nya dzegiso wa Jesu, Jehovha a ngu divaleya sighoho sathu
Gut 7:9, 10, 14, 15 — Mupostoli Johane tshamusede gu khuye Nungungulu a divalede sighoho nya “vathu nya vangi ngudzu,” kholu va gu na ni gukhodwa avba nya dzegiso wa Jesu
Tepo vambe va hi ghoheyago, ginani hi yedego gu gira gasi hi divaledwa khu Jehovha?
Mt 6:14, 15; Mr 11:25; Lu 17:3, 4; Jak 2:13
Siyeyedzo nya Bhibhiliya si na gu phasago:
Job 42:7-10 — Joba na si hawuligiswi ni gu kategiswa, Jehovha a di gu vbweta gu khuye Joba a gombeleya dzipari dzaye dza dziraru nya mba tumbega
Mt 18:21-35 — Jesu thumiside gipimaniso gyegi gasi gu yeyedza gu khuye ha gu vbweta gu divaledwa hi yede gu divaleya vambe
Khu ginani si gu na ni lisima gudawuleya sighoho sathu hi bwe hi dzi laya?
Siyeyedzo nya Bhibhiliya si na gu phasago:
Ndz 32:1-5; 51:1, 2, 16, 17 — Pfhumu Dhavhidhe garadzegide ngudzu khu kotani nya sighoho saye, ganiolu a dzi layide khu monyo waye watshavbo
Jak 5:14-16 — Jakobe tshamusede gu khuye, ha gu gira gighoho nya gikhongolo hi yede gu bhuleya madhota
Guvbindrugedza muni hi yedego gu gu gira ha gu vbweta gu divaledwa khu Jehovha?
Mav 28:13; Isa 55:7; Ef 4:28
Siyeyedzo nya Bhibhiliya si na gu phasago:
1Dzf 21:27-29; 2Dzik 18:18-22, 33, 34; 19:1, 2 — Tepo pfhumu Akabi a nga dziti gu khuye a na tsayiswa, a di dzi nogisa nigu Jehovha thindrekiside gulamudwa gwaye. Khu kharato, kha nga olu Akabhi a nga mba dzi laya khu lisine, Jehovha kha mu divaleya nigu a mu songide
2Dzik 33:1-16 — Ambari olu Manasi a nga ba ari pfhumu nya gu vivbe, Jehovha a mu divalede tepo a nga dzi laya. Nigu Manasi yeyedzide gu khuye a di gu vbindrugedzide tepo a nga zama gu fuvisa wukhozeyi nya sifananiso ni gu wusedza wukhozeyi nya guage
Tepo muthu a dzi layago, Jehovha a gu mu divaleya kala hayi?
Ndz 103:10-14; Isa 1:18; 38:17; Jer 31:34; Mik 7:19
Siyeyedzo nya Bhibhiliya si na gu phasago:
2Sa 12:13; 24:1; 1Dzf 9:4, 5 — Ambari olu Dhavhidhe a nga gira sighoho nya sikhongolo, uye a dzi layide. Khu kharato, Jehovha a mu divalede nigu khu gu gimbiya nya tepo Uye ganede gu khuye Dhavhidhe a diri mwama nyo lulame
Gu fana ni papayi waye, Jesu yeyedzide kharini gu khuye a di dzi emisede gu divaleya?
Ndz 86:5; Lu 23:33, 34
Siyeyedzo nya Bhibhiliya si na gu phasago:
Mt 26:36, 40, 41 — Tepo Jesu a nga ba a vbweta ngudzu giphaso, valandreyi vaye va di lala, ambari ulolo Jesu va yeyedzide wuwadi nigu pwisiside gu khuye va di garade
Mt 26:69-75; Lu 24:33, 34; Mth 2:37-41 — Pedro bombide Jesu guraru, ganiolu tepo a nga dzi laya Jesu a di mu divaleya. Nigu hwane nya gu ba Jesu a wusidwe khu gufani a di wonega ga Pedro nigu khu gu landreya, a mu ningide mathomo nya gu hathege libandlani
Ha gu dziti kharini gu khethu gu divaleya ga Jehovha gu ngu hegedwa?
Mt 12:31; Heb 10:26, 27; 1Jo 5:16, 17
Siyeyedzo nya Bhibhiliya si na gu phasago:
Mt 23:29-33 — Jesu gengedzide valovi ni vafarisi gu khuye, kha va na nga vbuluga gu rinywa Gehena mwendro gufuviswa kala gupindruga
Joh 17:12; Mr 14:21 — Jesu ranide Judha Sikariyoti kha nga “wule a na fuviswago” ni gu ganede gu khuye gu diri tshukwana nari khatshi kha velegwa muthu yoyo