Wupiyonero

Ethu hi na ba hi thumisa gwadi tshivba yathu há gu dzi vegeya misuwo nya gu gire nya singi thumoni wa Jehovha. (1Ko 9:26) Litigo leli li mwalo hwindzo ni gu fuviswa, khu kharato ho dzi vegeya misuwo nya liphuvho yin a hi phasa gu thumisa gwadi tepo yathu. (Ef 5:15, 16) Avbo nya wukhozeli nya ndranga mu nga bhula khu misuwo mu vbwetago gu yi vboheya ga mwaga nya wuphya nya thumo. Gasi gu gu phasa gibhukwana gegi nya mitshangano gi na ni sipandre gi ganeyago khu misuwo nya liphuvbo u nga yi vboheyago gasi u pimisa ni gu gombeya khiso. — Jak 1:5.

Khu giyeyedzo, ina vatshavbo ndrangani va nga phasedzeya givbango gimwegyo nya ndranga gu khala piyonero nya tepo yatshavbo? Wa gu ba u kanakana gu khuwe u mwalo makodzelo nyo enedze dziora dzivbetegago, bhula ni vapiyonero nyo khaguri va gomogo umo nya giemo nya nga igyo gyago. (Mav 15:22) Sa gu kodzega ndrani nya wukhozeli wanu nya ndranga u nga gira siwudziso ga piyonero nyo khaguri mu nga mu kovhidhari. Mwendro u nga gira longoloko wago. Wa gu ba u vbweta gu pheledza gu thuma nga piyonero dundrugeya khu giemo ugo ga igyo olu.

Ina si nga kodzega gu moyo wa ndrangani gwanu a thuma nga piyonero nyo phasedzeye khu ngima moyo mwendro guvbindra? Wa gu ba u si si kodzi gu gira nya singi u nga thumisa tepo yago ugo nayo nya yidugwana khu gu thuma nga piyonero nyo phasedzeye. Wa gu ba u ri ni tepo nya yidugwana khu gu ba nugo thuma mwendro nu gu hevbula, adzina u nga hatha ngima moyo u gu ni dziferiyadhu mwendro guvbeyani nya dzisemana nyo khaguri. Umo nya kalendaryu, khu vbavbadzi lova litshigu u vbwetago gu pheya gu thuma nga piyonero nyo phasedzeye u bwe u lova longoloko. — Mav 21:5.

YEYEDZA VHIDHYU KHALA MUTHO NYA GU TIYE HWAMBO — PIYONERO, KHU GU LANDREYA GIRA GIWUDZISO GEGI:

• Matshango ya ndriyathu Aamand’s ma gu hi hevbudza ginani khu edzi Jehovha a haladzago khidzo nigu khathala khu vale va dzigaradzago thumoni nya wupiyonero?