Mawonelo Nya Gihevbulo

U nga thumisa kharini gipandre “Novidades”

Omu nya gipandre “Novidades” gi gomogo omu nya JW Library^® ni omu nya Jw.org gya gu yeyedza dzivhidhyu ni mabhuku nya maphya. U nga thumisa kharini gipandre gegi gasi gu mana mahungu nya maphya?

JW Library

• Dzindrima nya dziphya dzi duswago dzonga dza gu thedwa omu nya gipandre dzi lumbago umo. Avba nya dzindrima dzi manegago avba nya gipandre “Novidades,” u nga tshisa ndrima yi ngarigu gu duga. Khavbovbo, u nga leri ndrima yoyo yi lovidwego matshigu khu vbavbatshi gakone.

• Adzina saye si nga gu garadzeya gu leri latshavbo libhuku, khu kharato u nga theya avba nya dzifavhoritu gasi si gu vbevbugeya gu yi mana u bwe u simama gu leri. Wa gu vbedza gu leri u nga yi dusa khavba nya dzifavhoritu.

JW.ORG

Mambe mahungu nya nga dzinotisiya ni dzianusiyu dza gu manega basi omu nya sayiti yathu nya Jw.org, kha dzi manegi omu nya JW Library. U nga divale gu khedza avba nya gipandre “Novidades” omu nya sayiti gasi gu mana dzindrima nya dziphya.