Detoronomi
33 Eechi nchiichilongezyo nchaakaambilizya Mozesi muntu waLeza wakasimpe kuma-Israyeli katanafwa. 2 Wakati:
“Jehova wakasika kazwa kuSinayi,
Wakamweka aali mbabo kazwa kuSeyiri.
Wakamweka mubulemu bwakwe kazwa kuzilundu zyakuParani,
Wakalaamwi aazyuulu-zyuulu zyabasalali,
Kukuboko kwakwe kwachilisyo kwakali basilumamba bakwe.
3 Wakali kubayandisya bantu bakwe;
Basalali babo boonse bali mukuboko kwako.
Bakalikkede kumawulu aako;
Bakasaanguna kuswiilila majwi aako.
4 (Mozesi wakatulayilila, wakatupa mulawu,
Kuti ube lukono lwambungano yaJakkobo.)
6 Rubbeni apone atafwi pe,
Baalumi bakwe batacheyi pe.”
7 Mpawo wakaambilizya chilongezyo eechi kuli Juda:
“O Jehova, swiilila jwi lyaJuda,
Muboozye kubantu bakwe.
Maboko aakwe akalwanina zintu zyakwe,
Mugwasye kulwana basinkondonyina.”
8 Kuli Levi wakati:
“Tumimu a-Urimu yako njamwaalumi uusyomeka kulinduwe,
Ooyo ngwaakasunka kuMasa.
Ngwaakasaanguna kulwanaawe kumaanzi aakuMeribba.
9 Ooyo wakabuzya wisi abanyina kuti, ‘Teendakaba aandaba pe ambabo.’
Nibaba bananyina taakaba aandaba pe ambabo,
Wakalekelezya bana bakwe.
Nkaambo wakabamba jwi lyako,
Achizuminano chako.
10 Abayiisye Jakkobo nzila zyako zyakubeteka
A-Israyeli Mulawu wako.
Abape tununkilizyo kuti tube bweema bununkilila kulinduwe*
Achipo chikkwene aachipayililo chako.
11 O Jehova, longezya manguzu aakwe,
Botelwa amilimu yamaboko aakwe.
Tyoloola mawulu aabaabo* bamulwana,
Kuchitila kuti aabo bamuzonda batazoomulwani lubo pe.”
12 Kuli Bbenjamini wakati:
“Uuyandwa aaJehova akkale kalyiibide kumbali lyakwe;
Namukwabilila buzuba boonse,
Unookkede aamakwiko aakwe.”
13 Kuli Josefa wakati:
“Nyika yakwe ayilongezegwe aaJehova
Azintu zibotu zyakujulu,
Alume* amaanzi aamutusawu tuli aansi,
14 Azintu zibotu zipangwa aazuba
Abutebuzi bubotu bwamweezi amweezi,
15 Azintu zibotu loko zyamuzilundu zyansiku*
Azintu zibotu zyamutulundu twachiindi,
16 Azintu zibotu zyanyika azizwide mulinjiyo,
Akuyandwa aayooyo uukkede muchiteyo chamaamvwa.
Azize aamutwe waJosefa,
aakatwikkilo kayooyo uusalidwe aakati kabana bawisi.
17 Bubotu bwakwe buli mbuli pule wang’ombe wakusaanguna kuzyalwa,
Meja aakwe meja aapule wang’ombe yamusokwe.
Uzoobelesya ngawo kutanda* bantu
Boonse kusikila kumagolelo aanyika.
Makumi aazyuulu zya-Efremu,
Azyuulu zyaManase.”
18 Kuli Zebbuloni wakati:
“Botelwa Zebbuloni nuzwa aanze,
Anduwe Isakkara, botelwa mumatente aako.
19 Bazooyita bantu kuchilundu.
Bazoopa zipayizyo zyabululami nkukooko.
Nkaambo bazoobweza* bunoti bwiingi bwakulwizi
Azintu ziyandikana zisisidwe museele.”
20 Kuli Gadi wakati:
“Ulilongezedwe ooyo uukomezya mugaano waGadi.
Ulala nkukooko mbuli mulavu,
Ulibambilide kukwamuna kuboko aakatwikkilo.
21 Uzoolisalila chipanzi chakusaanguna,
Nkaambo chaabilo chasikupa milawu chibambidwe nkukooko.
Basilutwe babantu bazoobungana.
Uzoobeteka mubululami bwaJehova,
Anzila zyakwe zyakubeteka mu-Israyeli.”
22 Kuli Dani wakati:
“Dani mwanaamulavu.
Uzoosotoka kazwa kuBbashani.”
23 Kuli Nafutali wakati:
“Nafutali ulikkutisikene akuyandwa
Uzwide chilongezyo* chaJehova.
Uzoobweza ndawu yakububbila ayakumusanza.”
24 Kuli Asha wakati:
“Asha alongezegwe kwiinda mukuba aabana.
Ayandwe aabana bawisi,
Abbizye* mawulu aakwe mumafuta.
25 Zijazyo zyamageedi aako nzyansimbi akkopa,
Unookwabilidwe mumazuba aabuumi bwako boonse.*
26 Taakwe uuli mbuli Leza wakasimpe waJeshuruni,
Uuyinda mujulu kuti azookugwasye
Alubo uuyinda mumayoba mubulemu bwakwe.
27 Leza mayubilo kuzwa chiindi,
Maboko aakwe aatamani ali kunsi lyako.
Uzootanda sinkondonyokwe kunembo lyako,
Uzoowamba kuti, ‘Banyonyoone!’
28 Israyeli uzookkala kalyiibide,
Chikala chaJakkobo chinooli aachilikke
Munyika yazilyo awayini mpya,
Iili aajulu lilosya lume.*
29 Amubotelwe nima-Israyeli!
Ngwani uuli mbuli ndinywe,
Nobantu bafutulwa aaJehova,
Ntobo yanu iimukwabilila
Apanga lyanu pati?
Basinkondonyokwe banoozazama kunembo lyanu,
Alubo muzoobalyatuuka kumisana.”*