KuBaroma
9 Ndilikwaamba choonzyo muli Kkristu, tandilikubeja pe, mbukunga moyo wangu* ngukamboni wangu mumuuya uusalala, 2 kuti nduuside loko alubo ndili aamachise aatamani mumoyo wangu. 3 Nkaambo ndilombozya kuti, nikuli ndilaanzene kuli Kkristu mbuli muntu uutukidwe akaambo kabantu bamusyobo wangu, nkukwaamba babbululu bangu bakunyama, 4 ma-Israyeli. Mbimbabo bakasalwa kuti babe bana baLeza, bakapegwa bulemu, zizuminano, alubo bakapegwa Mulawu, mulimu uusalala azisyomezyo. 5 Mbana bamasianene alubo Kkristu wakazwa nkukooko, kweendelana anyama. Leza ooyo weendelezya zintu zyoonse atembawulwe kukabe kutamani. Ameni.
6 Nikuba oobo, eezi tazyaambi kuti jwi lyaLeza lyakachilwa, nkaambo tazyaambi kuti boonse bakazwa kuli Israyeli, “ma-Israyeli” choonzyo. 7 Alubo kuba bana ba-Abbrahamu takwaambi kuti boonse mbana bakwe choonzyo, nkaambo Leza wakati: “Aabo batazoowambwe kuti mbana bako, bazooba kwiinda muli Izakka.” 8 Nkukwaamba kuti, bana bakunyama, teebana baLeza pe choonzyo, pesi bana bakazyalwa kwiinda muchisyomezyo, mbimbabo babonwa kuti mbana choonzyo. 9 Nkaambo jwi lyachisyomezyo lyakati: “Ndizooboola lubo aachiindi nchicheechi alubo Sara unooli waba aamwana mulombe.” 10 Teezyakachitika aawa kupela, pesi zyakazoochitika lubo chiindi Ribbekka naakanyampwide mambile kwiinda mumwaalumi uumwi, sianene Izakka, 11 nkaambo bana aaba kabatanazyalwa alubo kabatanachita chintu chibotu naakuti chibi, kuchitila kuti kuboneke kuti makanze aaLeza aali atala akusala, taayeeme mumilimu pe, pesi kuli Yooyo wiita, 12 Ribbekka wakabuzigwa kuti: “Mupati uzooba muzike wamuniini.” 13 Mbuli mbukulembedwe kuti: “Ndakayanda Jakkobo pesi Isawu ndakamuzonda.”
14 Lino tutyeni? Leza taluleme na? Teembubo pe! 15 Nkaambo wakabuzya Mozesi kuti: “Kufumbwa ngundiyanda kweetelela, ndizoomweetelela alubo kufumbwa ngundiyanda kufwida luzyalo, ndizoomufwida luzyalo.” 16 Nkinkaako, kusala ooku takuyeeme mukuti muntu ulaachiyandisyo naakuti wabeleka biya,* pesi kuyeeme kuli Leza uuli aalweetelelo. 17 Nkaambo lugwalo lwaamba kuti kuli Faro: “Ndakusiya kuli muumi akaambo kakaambo aaka: kuchitila kuti nditondeezye manguzu aangu kwiinda mulinduwe akuti zina lyangu lyaambilizigwe munyika yoonse.” 18 Nkinkaako, kufumbwa muntu ngwayanda kweetelela, ulamweetelela pesi kufumbwa muntu ngwayanda kuti abe aamoyo muyumu, ulamulekela.
19 Mpawo inywe muzoondibuzya kuti: “Nkamboonzi Leza nachiswini kubajanina mulandu? Nkaambo ngwani uukonzya kukazyania aakuyanda kwakwe?” 20 Pesi iwe numuntu, nduweni kuti usandule Leza? Zilachita na kuti chintu chibumbidwe chibuzye sikuchibumba kuti: “Nkamboonzi nwaakandipanga oobu?” 21 Tamuzi na kuti mubumbi ulaamanguzu aakupanga chibelesyo chakuchita mulimu uuli aabulemu achibelesyo chakuchita mulimu uutakwe bulemu kabelesya bulongo bumwi? 22 Munzila iikozyenie, Leza wakasala kutondeezya bukali bwakwe akupa kuti manguzu aakwe azibinkane, alubo taakafwambaana kunyema pesi wakazitondeezya moyo mulamfu zibelesyo zyabukali zyeelela kunyonyoonwa. 23 Kuti wakachita oobo kuti atondeezye mbubuli bupati bulemu bwakwe kuzibelesyo zyalweetelelo nzyaakasala kakuchili chiindi kuti zipegwe bulemu, 24 nkukwaamba ndiswe mbaakayita, kutali aakati kamaJuda kupela pesi akubantu bazisi, ani mpo chibi chilaali? 25 Zili mbuli mbaamba amuli Hosiya kuti: “Batali bantu bangu, ndizoobaamba kuti ‘bantu bangu,’ alubo mwanakazi wakatali kuyandwa, ndizoomwaamba kuti ‘uuyandwa,’ 26 alubo mpubakaambwa kuti, ‘Tamuli bantu bangu pe,’ bazoowaambwa kuti ‘bana baLeza uupona.’”
27 Alubo Isaya ulikoompolola atala a-Israyeli kati: “Nikuba kuti bana ba-Israyeli balakonzya kuba biingi mbuli museele wamulwizi, pesi bache biyo, mbabo batazoofutulwe. 28 Nkaambo Jehova* uzoobamba twaambo aanyika chakumaninina alubo chakufwambaana.” 29 Alubo mbuli mbaakaamba Isaya kuti: “Kaansinga Jehova* wamakamu taakasiya bana besu, twakali kunooba mbuli Sodoma alubo twakali kunookozyania aGomora.”
30 Lino tutyeni? Nikuba kuti bantu bazisi teebakali kuyanduula bululami pesi bakajana bululami, bululami bubawo akaambo kakuba aalusyomo, 31 pesi ma-Israyeli, nikuba kuti bakali kutobela mulawu wabululami, teebakawutobela chakumaninina pe mulawu ooyo. 32 Akaambo kanzi? Akaambo kakuti bakeezya kuutobela aamilimu kutali aalusyomo. Bakalebwa “aabbwe lilebya,” 33 mbuli mbukulembedwe kuti: “Amubone! Ndilikubikka bbwe lilebya muZiyoni amwaala uuwisya, pesi ooyo uubikka lusyomo lwakwe aalindilyo, takamani manguzu pe.”