Detoronomi

34 Mpawo Mozesi wakanyampuka munkanda yaMowabbu, wayinka kuChilundu chaNebbo aajulu aPisiga iilangene aaJerikko. Jehova wakamutondeezya nyika eeyo yoonse, kuzwa kuGiliyadi kuyoosika kuDani, 2 anyika yaNafutali yoonse anyika ya-Efremu aManase anyika yaJuda yoonse kuyoosika kulwizi lwakububbila,* 3 aNegebbu aBbooma lyaJodani, mukkuti* lyaJerikko, muunzi wamikunka kuyoosika kuZowari.

4 Mpawo Jehova wakamubuzya kuti: “Eeyi njiinyika njindakakonkezya kuli Abbrahamu, Izakka aJakkobo kanditi, ‘Ndizooyipa bana bako.’ Ndapa kuti wiibone ameso aako, pesi tukoozubuka pe kuti unjile mulinjiyo.”

5 Mpawo Mozesi mubelesi waJehova wakafwa nkukooko munyika yaMowabbu, mbuli mbaakali waamba Jehova. 6 Wakamuzikka mukkuti* lilangene aaBbeti-peyori munyika yaMowabbu, taakwe uuzi pe kuti kabanda kakwe kali kuli kusikila sunu. 7 Mozesi wakafwa kali aaminyaka iili 120. Meso aakwe akachili kubona alubo wakachili aamanguzu. 8 Ma-Israyeli bakalila Mozesi munkanda yaMowabbu kwamazuba aali 30. Mpawo mazuba aakulila Mozesi akamana.

9 Joshuwa mwana waNuni wakazwide muuya wabusongo nkaambo Mozesi wakali wabikka kuboko kwakwe aalinguwe, alubo ma-Israyeli bakasaanguna kumuswiilila, bakachita zyoonse Mozesi nzyaakalayililwa aaJehova. 10 Pesi mu-Israyeli taakwe nikwakaba umwi mupolofita uuli mbuli Mozesi, Jehova ngwaakazi busyu-abusyu. 11 Wakachita zitondeezyo azigambyo zyoonse Jehova nzyaakamutuma kuti akachite munyika ya-Ijipita kuli Faro, kubabelesi bakwe boonse akunyika yakwe yoonse, 12 akuboko kuli aamanguzu amilimu mipati iigambya njaakachita Mozesi kunembo lyama-Israyeli boonse.