LAYIBBULALI IJANIKA A-INTANETI yaWatchtower
LAYIBBULALI IJANIKA A-INTANETI
yaWatchtower
Chitonga (Zimbabwe)
  • BBAYIBBELE
  • MABBUKU
  • MISWAANGANO
  • 2 Bakkorinte 1
  • Bbayibbili—Busanduluzi Bwanyika Mpya

Vidiyo njulikuyanda tiijaniki pe

Utulekelele, kulizyachitika vidiyo niyalikuyanda kujula

2 Bakkorinte Zili Mukati

      • Kujuzya (1, 2)

      • Kuumbulizigwa aaLeza mumapenzi woonse (3-11)

      • Pawulu wachincha mabambe aanyendo zyakwe (12-24)

2 Bakkorinte 1:4

Makani Aamunsi

  • *

    Naakuti, “uutusungwaazya.”

2 Bakkorinte 1:12

Makani Aamunsi

  • *

    Bbala lyakuti “moyo,” aawa lyaamba kuziba chibotu achibi. Langa Bupanduluzi Bwamabala, “Moyo.”

2 Bakkorinte 1:13

Makani Aamunsi

  • *

    Amwi malembe ati, “nzimuzi kale.”

  • *

    MuchiGrikki, “kusikila kumamanino.”

2 Bakkorinte 1:15

Makani Aamunsi

  • *

    Amwi malembe ati, “muzoogwasigwe lubo kachibili.”

2 Bakkorinte 1:19

Makani Aamunsi

  • *

    Ooyo wiitwa kuti Sila.

2 Bakkorinte 1:22

Makani Aamunsi

  • *

    Naakuti, “mali yakujatisya chimwi chintu; chisyomezyo chazintu ziza.”

  • Bbayibbili—Busanduluzi Bwanyika Mpya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
Bbayibbili—Busanduluzi Bwanyika Mpya
2 Bakkorinte 1:1-24

Lwabili kuBakkorinte

1 Ndime Pawulu, mwaapostoli waKkristu Jesu kwiinda mukuyanda kwaLeza, kandili aaTimoti mukombima, ndilikumulembela inywe nimbungano yaLeza iili muKkorinte, kuswaanizya abasalali boonse bali mu-Akkaya yoonse:

2 Amube aaluzyalo lupati aluumuno kuzwa kuli Leza Taateesu aMwaami Jesu Kkristu.

3 Atembawulwe Leza Wisi waMwaami wesu Jesu Kkristu, Taata silweetelelo lupati, aLeza siluumbulizyo loonse, 4 ooyo uutuumbulizya* mumapenzi eesu woonse, kuchitila kuti tukonzye kuumbulizya bamwi mumapenzi aabo woonse aluumbulizyo ndutujana kuzwa kuli Leza. 5 Nkaambo, mbukunga mapenzi ngituswaana akaambo kaKkristu miingi, andulo luumbulizyo ndutujana kwiinda muli Kkristu ndwiingi. 6 Kuti twaswaana mapenzi, ndinywe nimuumbulizigwa akufutulwa. Alubo chiindi nituumbulizigwa, ndinywe nimuumbulizigwa, kuchitila kuti luumbulizyo oolo lumugwasye kuti mulisimye kumapenzi aakozyenie angituswaana. 7 Alubo bulangilizi bwesu akaambo kandinywe tabuzungaani pe, nkaambo tulizi kuti mbukunga mulikupenzegwa mbuli ndiswe, muzoowumbulizigwa mbuli ndiswe.

8 Nkaambo bakombima, tuyanda kuti muzibe mapenzi ngitwakaswaana muchilikiti cha-Asiya. Twakaswaana zyiimo ziyumu loko zyiinda manguzu eesu, zyakuti teetwakachili aachoonzyo chakuti nga tulapona. 9 Kwaamba choonzyo, twakali kubonaanga twapegwa chisubulo chakujayigwa. Eezi teezyakachitika kuti tulisyome pe, pesi kuti tusyome Leza, ooyo uubusya bafwide. 10 Kuzwa mungozi mpati iili boobo yalufu, wakatuvuna alubo uzootuvuna, alubo bulangilizi bwesu buli mulinguwe, bwakuti ulayinkilila kunembo kutuvuna. 11 Andinywe mulakonzya kutugwasya kwiinda mukutukombelezezya munkombyo, kuchitila kuti bantu biingi balumbe Leza akaambo kaluzyalo ndutujana nikusandulwa nkombyo zyabantu biingi.

12 Nkaambo chintu nchitulidunda aanchicho nchakuti: Moyo* wesu upa bukamboni bwakuti, nitwakali munyika alubo kapati nitwakali aandinywe, twakalijata munzila iisalala alubo katusyomeka kuli Leza, kutali aabusongo bwabantu pe, pesi akaambo kaluzyalo lupati lwaLeza. 13 Nkaambo kwaamba choonzyo, zintu nzitulikumulembela, nzeezyo nzimukonzya kubala* akumvwisisisya alubo ndisyoma kuti mulayinkilila kunembo kuzimvwisisisya buzwide* zintu eezi, 14 mbuli mbumwakamvwisisisya mbichaani kuti, mulalidunda akaambo kandiswe, mbuli mbututazoolidunde akaambo kandinywe, mubuzuba bwaMwaami wesu Jesu.

15 Mbukunga ndakali aachoonzyo atala amakani aaya, ndakali kukanza kuti ndisaangune kuza kulindinywe, kuchitila kuti mukondwe kachibili,* 16 nkaambo ndakakanzide kumuswaya nindiinda kandiya kuMakkedoniya, mpawo ndizooyinde lubo kulindinywe, nindazwa kuMakkedoniya mpawo inywe muzoondisindikile nindazooya kuJudiya. 17 Nindakali aamakanze aaya, makani aaya ndakaawubaansya na? Naakuti ndikanza kuchita zintu mbuli muntu wanyama na, zyakuti nga ndati, “Iiyi, iiyi” mpawo ndazooti “Peepe, peepe”? 18 Pesi Leza ulakonzya kusyomwa kuti nzitumubuzya tali “iiyi” kakuli “ngupeepe.” 19 Nkaambo Jesu Kkristu Mwana waLeza, ooyo wakakambawukwa aakati kanu kwiinda mulindiswe, nkukwaamba ime, aSilvano* aTimoti, taakaba “iiyi” kumwi kali “peepe.” Pesi kulinguwe “iiyi” waba “iiyi.” 20 Nkaambo zibe zyiingi biyeni zisyomezyo zyaLeza, zyaba “iiyi” kwiinda mulinguwe. Nkinkaako, kwiinda mulinguwe twaamba kuti “Ameni” kuli Leza, kuchitila kuti Leza alemekwe kwiinda mulindiswe. 21 Pesi ooyo uupa kuti tube aachoonzyo chakuti inywe andiswe tuli baKkristu alubo ooyo wakatunanika nguLeza. 22 Alubo wakabikka chitondeezyo chakwe aalindiswe mpawo wakatupa chijatisyo chazintu zilikuza* mumyoyo yesu, nkukwaamba muuya uusalala.

23 Leza ngukamboni wangu wakuti tandinasika pe kuKkorinte kuchitila kuti nditamuchisi. 24 Tandilikwaamba kuti tuli baami balusyomo lwanu pe, pesi tubelekaamwi andinywe kuchitila kuti mukondwe nkaambo muliimvwi akaambo kalusyomo lwanu.

Mabbuku Ajanika MuChitonga (Zimbabwe) (2013-2025)
Zwa
Njila
  • Chitonga (Zimbabwe)
  • Share
  • Preferences
  • Copyright © 2025 Watch Tower Bible and Tract Society of Pennsylvania
  • Terms of Use
  • Privacy Policy
  • Privacy Settings
  • JW.ORG
  • Njila
Share