Detoronomi
28 “Kuti waswiilila jwi lyaJehova Leza wako akubamba milawu yakwe yoonse njindili kukulayilila sunu, kwaamba choonzyo, Jehova Leza wako uzookusumpula kwiinda zisi zyoonse zili aanyika. 2 Zilongezyo* zyoonse eezi zizookuzida nkaambo ulikuswiilila jwi lyaJehova Leza wako:
3 “Uzoolongezegwa mumuunzi, alubo uzoolongezegwa mumuunda.
4 “Bana bako, butebuzi bwamumuunda wako, bana bazivuubwa zyako, bana bang’ombe zyako ambelele zizoolongezegwa.
5 “Lizoolongezegwa bbasikiti lyako andido yakukandila fulawa.
6 “Uzoolongezegwa nunjila, alubo uzoolongezegwa nuzwa.
7 “Jehova uzoopa kuti basinkondonyokwe bakubukila bazundwe kunembo lyako. Bazookulwana kabazwa kubbazu limwi, pesi nibazoochija, bazoomwayikizyania kumabazu aali musanu aabili. 8 Jehova uzoolayilila kuti matala aako amilimu yako yoonse njuchita ilongezegwe. Kwaamba choonzyo, Jehova Leza wako uzookulongezya munyika njalikukupa. 9 Jehova uzoopa kuti mube bantu bakwe basalala mbuli mbaakakonka kulindinywe nkaambo ulikubamba milawu yaJehova Leza wako akweenda munzila zyakwe. 10 Bantu boonse baanyika beelede kuzoobona zina lyaJehova lili aalinduwe mpawo bazoomuyoowa.
11 “Jehova uzoopa kuti ube aabana biingi, zivuubwa zyiingi, anyika iili aachakulya munyika Jehova njaakakonkezya kumasianyookulu kuti uzookupa. 12 Jehova uzookujulila butala bwakwe bubotu, nkukwaamba julu, kuti akuwisizye mvula aachiindi chayo akukulongezya muzintu zyoonse nzuchita. Uzookweletesya zisi zyiingi, pesi iwe tuzookweleti pe. 13 Kuti wayinkilila kunembo kuswiilila milawu yaJehova Leza wako njindili kukulayilila sunu kuti wiibambe akwiichita, Jehova uzoopa kuti ube kunembo kutali kuba muchila alubo uzooba aajulu kutali aansi. 14 Utaleyi pe kumajwi woonse ngindili kukulayilila sunu, kube kuchilisyo naakuti kuchimweensi kuti utobele bamwi baleza akubabelekela.
15 “Pesi kuti uleke kuswiilila jwi lyaJehova Leza wako kwiinda mukutabamba milawu yakwe yoonse amalayilile ngindili kukulayilila sunu, lutuko loonse oolu lulaba aalinduwe.
16 “Uzootukwa mumuunzi, alubo uzootukwa mumuunda.
17 “Lizootukwa bbasikiti lyako andido yako yakukandila fulawa.
18 “Bazootukwa bana bako abutebuzi bwamumuunda wako abana bang’ombe ambelele zyako.
19 “Uzootukwa nunjila, alubo uzootukwa nuzwa.
20 “Jehova uzookutumizya lutuko, lupyopyongano achisubulo muzintu zyoonse nzuchita kusikila unyonyooke akumana chakufwambaana akaambo kamichito yako mibi akundisiya nkwaakachita. 21 Jehova uzoopa kuti uzengelelwe aabulwazi kusikila akunyonyoone munyika njuyaakubweza. 22 Jehova uzookuuma akakweekwe,* kupya mubili, kuzimba, kupya kwiindilide, panga, bbalangwe,* abulwazi bujaya zilyo; zizookusikila kusikila mumane. 23 Julu lili aamutwe wako lizooba kkopa, anyika iili aansi aako izooba nsimbi. 24 Jehova uzoopa kuti aanyika yako kuwe mvula yamusuunsu ayalusuko kuzwa kujulu kusikila ulobe. 25 Jehova uzoopa kuti uzundwe kunembo lyabasinkondonyokwe. Uzoobalwana kuzwa kubbazu limwi, pesi uzoobachija akumwayikila mumabazu aali musanu aabili; uzooba chintu chiyoosya kubaami boonse baanyika. 26 Mibili yako iizooba chakulya chabayuni boonse bawuluka mujulu abanyama baanyika, taakwe uutazoobakonge pe.
27 “Jehova uzookuuma aamatumba aku-Ijipita, zilonda zyakumatako, bweele, azilonda zyachikanda zitaponi pe. 28 Jehova uzoopa kuti upenge, woofwaale akuti unyongane. 29 Uzoowampaampa sikati mbuli moofu mbaampaampa mumudima. Tuzoozwidilili pe muzintu nzuchita alubo uzoososwa akubbidwa kakutakwe muntu uukuvuna. 30 Uzootumina mwanakazi pesi umwi mwaalumi uzoomuvumpila. Uzooyaka ng’anda, pesi tuzookkali mulinjiyo pe, uzoolima muunda wamisaansa, pesi tuzoolyi michelo yawo pe. 31 Ng’ombe yako izoojayigwa kulangide, pesi tuzooyilyi pe. Donki lyako lizoobbigwa kulangide, pesi tuzooliboozyi pe. Mbelele yako izoobwezegwa aabasinkondonyokwe, pesi taakwe uutazookuvune pe. 32 Bana bako balombe abasimbi bazoobwezegwa abamwi bantu kulangide, unoobayeeya, pesi taakwe nzutazoochite pe. 33 Michelo yamumuunda wako abutebuzi bwako boonse buzooligwa aabantu mbutazi pe, unoopenzegwa akujatwa chalunya. 34 Uzoopenga akaambo kazintu nzutazoolibonene ameso aako.
35 “Jehova uzookuuma aamatumba aachisa aatasilikiki mumazwi akumawulu, kuzwa kundyato kusika kukatwikkilo. 36 Jehova uzookutanda aamwi amwaami ngutazoolisalile kuchisi nchutazi pe iwe amasianyookulu alubo uzookomba bamwi baleza, baleza bazisamu abamabwe nkukooko. 37 Uzooba chintu chiyoosya achisesya alubo uzooweelwa aabantu boonse ooko Jehova nkwaatazookutandile.
38 “Uzoobyala mbuto nyingi mumuunda wako, pesi uzootebula ziche nkaambo nsozi zizooyinyonyoona. 39 Uzoolima myuunda yamisaansa pesi tuzooyinywi pe wayini yayo naakuti kwiitebula, nkaambo izooligwa aazikonye. 40 Uzooba aaminsamu yama-olifa mundawu yako yoonse, pesi tuzoonani mafuta aawo pe, nkaambo ma-olifa azooloka. 41 Uzooba aabana balombe abasimbi, pesi tabazoobi bako pe, nkaambo bazootolwa mubuzike. 42 Tuuka tweenda katuli twiingi* tuzoonyonyoona minsamu yako yoonse amichelo yanyika yako. 43 Mweenzu uukkede aamwi anduwe unooya busumpuka kwiinda nduwe, pesi iwe unooya buselela kuya aansi. 44 Uzookukweletesya, pesi iwe uzookachilwa kumukweletesya. Uzooba kunembo lyako, pesi iwe uzooba muchila.
45 “Kwaamba choonzyo, lutuko loonse oolu lulaba aalinduwe kusikila ulobe nkaambo teewakaswiilila jwi lyaJehova Leza wako kwiinda mukutabamba milawu yakwe amalayilile aakwe ngaakakulayilila. 46 Luzooba aalinduwe akubana bako kaluli chitondeezyo achigambyo chitamani, 47 nkaambo teewakabelekela Jehova Leza wako kubotelwa amoyo uukondwa nwaakali aazintu zyoonse. 48 Jehova uzookutumina basinkondonyokwe bazookulwana, uzoobabelekela kuli aanzala anyota alubo kuzweete zigogo zyabafwaba, kutakwe nchulaacho pe. Uzookugwabika jokwe lyansimbi kusikila akulobye.
49 “Jehova uzookubusizya chisi chilikule, kuzwa kumagolelo aanyika; chizookubweza mbuli mbulibweza gumbe, nchisi chaambuula mulaka ngutazi pe. 50 Nchisi chiyoosya, chitakwe ndaba pe amuntu mupati naakuti kumufwida nsoni muntu muniini. 51 Bazoolya bana bazivuubwa zyako amichelo yanyika yako kusikila ulobe. Tabazookusiili zilyo, wayini mpya naakuti mafuta, bana bang’ombe naakuti bambelele kusikila bakunyonyoone. 52 Bazookusinkila, bakujalile mumyuunzi yako yoonse amunyika yako yoonse kusikila ikolomonwe miduli yako milamfu iikukwabilide njusyoma. Kwaamba choonzyo, bazookusinkila mumyuunzi yako yoonse munyika yako yoonse Jehova Leza wako njaakakupa. 53 Uzoolya bana bako, nyama yabana bako balombe abasimbi Jehova Leza wako mbaakakupa akaambo kakuyuma kwakusinkilwa, amapenzi ngibazookweetela basinkondonyokwe.
54 “Naba mwaalumi uukkede kabotu uubikkila maanu aakati kanu, tazoomufwidi nsoni pe mwana wabanyina, mwanakazi wakwe ngwayandisya naba mwana wakwe mulombe uutazoosyaale, 55 tazoobapi pe nyama yabana bakwe mbanoolya, nkaambo taakwe chimwi chintu nchanooli aacho pe, amapenzi ngibatazookweetele basinkondonyokwe mumyuunzi yako. 56 Mwanakazi uukkede kabotu uubikkila maanu aakati kanu, wakatali kukonzya kulyata aansi akaambo kakukkala kabotu, tazoomufwidi nsoni pe mulumi wakwe ngwayandisya naba mwanaakwe mulombe naakuti musimbi, 57 nichiba chamachembele* chizwa mwida lyakwe abana mbatazoozyale. Uzoozilya kasisikizya akaambo kakuyuma kwakusinkilwa, amapenzi ngibatazooyete basinkondonyokwe mumyuunzi yako.
58 “Kuti waleka kubamba majwi woonse aaMulawu ooyu aalembedwe mubbuku eeli akutayoowa zina lilemekwa liyoosya lyaJehova Leza wako, 59 Jehova uzookuuma iwe abana bako azipenzyo zibi loko zipati zitamani alubo uzookuuma aamalwazi aachisa loko aatamani. 60 Uzoomweetela malwazi woonse aaku-Ijipita ngimwakali kuyoowa alubo azoomunamatila. 61 Mukuyungizya, Jehova uzoomweetela malwazi naakuti zipenzyo zitalembedwe mubbuku lyaMulawu ooyu. 62 Muzoosyaala kamuli bache loko nikuba kuti mwakali mwaba biingi mbuli nyenyeezi zyakujulu, nkaambo teemwakaswiilila jwi lyaJehova Leza wanu pe.
63 “Mbuli mbuzyakali kumubotela Jehova kupa kuti muzwidilile akuti muzyalane muvule, mbuzizoomubotela Jehova kumunyonyoona akumulobya; muzoonyonyoonwa munyika njimwaba aafwiifwi kubweza.
64 “Jehova uzoomumwayila kuzisi zyoonse, kuzwa kumagolelo aanyika amwi kusikila kumagolelo aanyika aambi, ooko nkumutazoobelekele baleza bazisamu abamabwe, baleza mbimutazi pe, inywe amasianyookulu. 65 Tamunoolikwe luumuno pe aakati kazisi, niiba ndawu yakupumwida. Pesi Jehova uzoopa kuti mukataazikane mumyoyo yanu, meso aanu ataboni kabotu akuti mutabi aabulangilizi. 66 Buumi bwanu bunooli mumapenzi mapati; munooyoowa mansiku asikati alubo tamunoolikwe bulangilizi bwakuti muzoofutuka. 67 Kuseeni muyoowamba kuti, ‘Kaansinga ndigoko!’ alubo goko muyoowamba kuti, ‘Kaansinga nkuseeni!’ akaambo kakuyoowa nkumunooli aako mumyoyo yanu alubo akaambo kazintu nzimutazoobone. 68 Kwaamba choonzyo, Jehova uzoomuboozya ku-Ijipita abwaato anzila njaakamubuzya kuti, ‘Tamuzooyiboni lubo pe,’ kamuli nkukooko, muzoolyuuzya kuli basinkondonyokwe kamuli bazike bachaalumi abachanakazi, pesi takunoolikwe sikumuula pe.