Makani Aakalembwa aaJohane
12 Kakuchisyeede mazuba aali musanu alimwi kuti Pasika ibe, Jesu wakasika kuBbetaniya, nkwaakabede Lazaro. Ooyu ngunguwe Lazaro, Jesu ngwaakali wabusya kuzwa kubafu. 2 Nkinkaako, bakamubambila chilalilo alubo Marta nguwe wakali kubajikila. Pesi Lazaro wakali umwi wabaabo bakakkedaamwi anguwe aatebbulu.* 3 Mpawo Mariya wakabweza mafuta aanunkilila aanadi yachoonzyo alubo aadula loko aakasisike kuhafu yalita, waatila kumawulu aaJesu mpawo wakaapukuta aamasusu aakwe. Ng’anda yoonse yakazula bweema bwamafuta aanunkilila. 4 Pesi Judasi Isikkariyoti, umwi wabasikwiiya bakwe, ooyo wakali waba aafwiifwi kuti amuuzye wakati: 5 “Nkamboonzi mafuta aaya naatawuzigwa aamadinari aali 300 mpawo mali eeyo ipegwe bafwaba?” 6 Taakaamba majwi aaya akaambo kakuti wakali kuyanda kugwasya bafwaba pe, pesi akaambo kakuti wakali sikubba akuti nguwe wakali kukkala aabbokesi lyamali, kabba mali yakali kubikkwa mumoomo. 7 Mpawo Jesu wakati: “Musiye achite chintu eechi, kalikulibambila buzuba bwakuzikkwa kwangu. 8 Nkaambo bafwaba munoolaabo chiindi choonse, pesi tamunooli aandime pe chiindi choonse.”
9 Aachiindi nchicheecho, nkamu mpati yamaJuda yakaziba kuti Jesu wakali nkukooko, mpawo yakayinka kulinguwe kuyoobona Jesu aLazaro, ooyo ngwaakali wabusya kuzwa kubafu. 10 Mpawo bapati babapayizi bakazwa aamuzeezo wakuti anguwe Lazaro ajayigwe, 11 nkaambo nguwe wakapede kuti maJuda biingi bayinke nkukooko akuti babe aalusyomo muli Jesu.
12 Mubuzuba bwakatobela, nkamu mpati yabantu bakazide kupobwe bakamvwa kuti Jesu uzabuza kuJerusalema. 13 Nkinkaako, bakatema ntabi zyamikunka mpawo bakayinka kukumutambula alubo bakasaanguna koompolola kabati: “Inche kaka, mufutule! Ulilongezedwe ooyo uuza muzina lyaJehova,* Mwaami wa-Israyeli!” 14 Jesu naakajana mwana wadonki, wakakkala aali nguwe mbuli mbukulembedwe kuti: 15 “Utayoowi pe numwana musimbi waZiyoni. Bona! Mwaami wako ulikuza kakkede aamwana wadonki.” 16 Kumasaangunino, basikwiiya bakwe teebakali kuzimvwisisisya pe zintu eezi, pesi Jesu naakalemekwa, bakayeeya kuti zintu eezi zyakalilembedwe atala anguwe akuti bakachita zintu eezi kulinguwe.
17 Bantu mbaakali aabo naakayita Lazaro kuti azwe mukabanda* akumubusya kuzwa kubafu, bakayinkilila kunembo kupa bukamboni. 18 Eezi nzizyo zyakapa kuti nkamu eeyi ikamutambule nkaambo yakali yamvwa kuti wakachitide chigambyo eechi. 19 Mpawo baFarisi bakabuzyania kuti: “Beenzuma, taakwe nchitulikuchita pe. Amubone! Nyika yoonse ilikumutobela.”
20 Aakati kabantu bakazide kupobwe kuzookomba, kwakali maGrikki. 21 Nkinkaako, bakasika kuli Filipi ooyo wakali kuzwa kuBbetisayida yakuGalili mpawo bakasaanguna kumukumbila kabati: “Bapati, tuyanda kubona Jesu.” 22 Filipi wakayinka waakubuzya Andreya. Andreya aFilipi bakayinka baakubuzya Jesu.
23 Pesi Jesu wakati kulimbabo: “Yasika awa yakuti Mwanaamuntu alemekwe. 24 Kwaamba choonzyo, ndimubuzya simpe kuti, kuti nseke yawiiti teeyawida mubulongo akufwa, inookkede kayili iimwi, pesi kuti yafwa, izyala michelo myiingi. 25 Kufumbwa muntu uuyandisya buumi bwakwe ulikubunyonyoona pesi kufumbwa muntu uuzonda buumi bwakwe munyika eeyi, ulikubukwabilila kuti akajane buumi butamani. 26 Kuti muntu kayanda kundibelekela, anditobele alubo ooko nkundinoobede anguwe nkwatanoobede. Kuti muntu wandibelekela, Taata uzoomulemeka. 27 Lino ndakataazikana, ani mpo ndityeni? Taata, ndivune ku-awa eeyi. Nikuba oobo, nchindasika ku-awa eeyi. 28 Taata, pa kuti zina lyako lilemekwe.” Mpawo kwakazwa jwi kujulu lyakati: “Ndapa kuti lilemekwe alubo ndizoopa kuti lilemekwe lubo.”
29 Nkamu yabantu yakayimvwi mpawaawo yakalimvwa jwi eelyo mpawo yakasaanguna kwaamba kuti nkudilima kwamvula. Bamwi bakati: “Ningilozi yaambuulaawe.” 30 Mpawo Jesu wakati: “Ijwi eeli teelyamvwigwa akaambo kangu pe, pesi lyamvwigwa akaambo kanu. 31 Nyika eeyi iliikubetekwa alubo mweendelezi wanyika eeyi uzootandwa. 32 Pesi kuti ndazoosumpulwa kuzwa aanyika, ndizookwela bantu bamisyobo yoonse kuti baze kulindime.” 33 Wakaamba oobo kuti atondeezye nzila njaakali kuzoofwaayo muchiindi chifwiifwi. 34 Mpawo nkamu yabantu yakati kulinguwe: “Twakamvwa muMulawu kuti, Kkristu unooliwo kukabe kutamani. Nkamboonzi nulikuti Mwanaamuntu weelede kusumpulwa? Ani ooyu uutegwa Mwanaamuntu ngwani?” 35 Mpawo Jesu wakati kulimbabo: “Mumuni unooliwo aakati kanu kwachiindi chifwiifwi. Amweende mumumuni nimuchilaawo kuchitila kuti mudima utamuzundi. Kufumbwa muntu weenda mumudima takuzi pe nkwaya. 36 Amube aalusyomo mumumuni nimuchilaawo, kuchitila kuti mube bana bamumuni.”
Jesu naakaamba zintu eezi, wakazwa weenda waakubayuba. 37 Nikuba kuti wakachitide zitondeezyo zyiingi kabalangide, taakwe nibakaba aalusyomo pe mulinguwe, 38 kuchitila kuti jwi lya-Isaya mupolofita lizuzikizigwe, ooyo wakati: “Jehova,* ngwani wakaba aalusyomo kuchintu nchaakamvwa kulindiswe? Alubo kuboko kwaJehova* kwayubununwa kulini?” 39 Kaambo kakali kupa kuti batasyomi kakaambwa lubo a-Isaya naakati: 40 “Wawofwaazya meso aabo alubo wapa kuti myoyo yabo iyume, kuchitila kuti bataboni pe ameso aabo akuti batamvwisisisyi pe amyoyo yabo kuti batasanduki mpawo ndibaponie.” 41 Isaya wakaamba zintu eezi nkaambo wakabona bulemu bwakwe alubo wakaamba atala anguwe. 42 Munzila iikozyenie, nibaba beendelezi biingi bakaba aalusyomo mulinguwe pesi teebakali kumuzumina pe akaambo kabaFarisi, kuchitila kuti batatandwi muchikombelo, 43 nkaambo bakali kuyandisya kulemekwa aabantu kwiinda kulemekwa aaLeza.
44 Nikuba oobo, Jesu wakoompolola kati: “Kufumbwa muntu uuba aalusyomo mulindime, tasyomi ndime andilikke pe, pesi ulamusyoma ayooyo wakandituma, 45 alubo kufumbwa muntu uundibona, wamubona aYooyo wakandituma. 46 Ndakaza kandili mumuni munyika, kuchitila kuti muntu woonse uuba aalusyomo mulindime atakkalilili pe mumudima. 47 Pesi muntu uumvwa majwi aangu mpawo aleke kwaachita, tandimubeteki pe, nkaambo teendakazida kuzoobeteka nyika pesi ndakazida kuzoofutula nyika. 48 Kufumbwa muntu uutakwe ndaba pe andime alubo uutaatambuli pe majwi aangu, mpali uutazoomubeteke. Ijwi ndindaamba, ndilyo litazoomubeteke mubuzuba bwamamanino. 49 Nkaambo zintu nzindaambuula tandiliyeeyeli pe, pesi Taata wakandituma nguwe wakandipa mulawu uuli atala anzindeelede kwaamba anzindeelede kuyiisya. 50 Alubo ndilizi kuti mulawu wakwe waamba buumi butamani. Nkinkaako, kufumbwa nchindaamba, ndichaamba mbuli mbaakandibuzya Taata.”