Mikka

4 Kumamanino aamazuba,*

Chilundu chang’anda yaJehova

Chizookkazikizigwa chiimikile nji aajulu aazilundu,

Alubo chizoosumpulwa kwiinda tumwi tulundu toonse,

Mpawo bantu bazoowuumuka* kabaya kulinchicho.

“Amuze, tutante tuye kuchilundu chaJehova

Akung’anda yaLeza waJakkobo.

Uzootuyiisya atala anzila zyakwe,

Alubo tuzooyenda munzila zyakwe.”

Nkaambo mulawu uzoozwa* muZiyoni,

Ajwi lyaJehova lizoozwa muJerusalema.

 3 Uzoobeteka zisi zyiingi

Akululamika makani aali atala azisi zili aanguzu zili kule.

Bazoofula mapanga aabo kuti abe maamba

Amasumu aabo kuti abe zyakukweezuuzya* minsamu.

Chisi tachizoonyampuli panga kuti chilwane chimwi chisi,

Alubo tabachizooyiyiyi lubo pe nkondo.

 4 Umwi awumwi uzookkala munsi aamusaansa wakwe amukuyu wakwe,

Alubo taakwe muntu uutazoope kuti bayoowe pe,

Nkaambo mulomo waJehova wamakamu nguwo waamba.

 5 Nkaambo misyobo yoonse yabantu izooyenda, umwi awumwi muzina lyaleza wawo,

Pesi iswe tuzooyenda muzina lyaJehova Leza wesu kusikila kukabe kutamani.

 6 “Mubuzuba oobo,” mbaamba Jehova,

“Ndizoobunganizya ooyo wakali kusunkuta,

Akuyobolola ooyo wakamwayika,

Kuswaanizya abaabo mbindakajata chalunya.

 7 Ndizoopa kuti ooyo wakali kusunkuta, abe aakati kabaabo batasyaale,

Akupa kuti ooyo wakatandilwa kule, abe chisi chili aanguzu,

Jehova uzoobeendelezya kali mwaami aaChilundu chaZiyoni,

Kuzwa lino kusikila kukabe kutamani.

 8 Pesi iwe, O ngazi yabutanga,

Dundulundu* lyamwana musimbi waZiyoni,

Bweendelezi buzookusikila, kwaamba choonzyo, bweendelezi bwakusaanguna* buzoosika,

Bwaami bwamwana musimbi waJerusalema.

Tukwe mwaami na?

Sikukupa lulayo wanyonyoonwa na,

Zyakuti waba mumachise aali mbuli aamwanakazi uulikutumbuka?

10 O mwana musimbi waZiyoni, miningana* akumimila,*

Mbuli mwanakazi uulikutumbuka,

Nkaambo lino uzoozwa mumuunzi, ukaakukkale mulusaka.

Uzooyinka kuBbabbiloni,

Mpawo uzoovunwa nkukooko,

Jehova uzookunununa nkukooko mukuboko kwabasinkondonyokwe.

11 Bantu biingi bazisi bazoobungana kuti bakulwane,

Bazoowamba kuti, ‘Asofwaazigwe,

Alubo meso eesu azibone eezi kazichitikila Ziyoni.’

12 Pesi tabayizi pe mizeezo yaJehova,

Tabaamvwisisisyi pe makanze aakwe*

Nkaambo uzoobabunganizya mbuli misunta yazilyo zyazwa aakutebulwa kulubuwa lwakupolela.

13 Nyampuka upole zilyo, O mwana musimbi waZiyoni,

Nkaambo ndizoochincha meja aako kuti abe aansimbi,

Ansumba zyako ndizoozichincha kuti zibe zyakkopa,*

Alubo uzoonyonyoona misyobo yabantu biingi.

Uzoopa Jehova bunoti bwabo mbubakajana kabatasyomeki,

Akupa Mwaami wakasimpe, wanyika yoonse zintu nzibalaazyo.”