Baami Wakusaanguna
1 Lino Mwaami Davida wakali wachembaala, wakali wapona minyaka myiingi, nikuba kuti bakali kumuvumba milembo myiingi, taakali kukasaalilwa pe. 2 Nkinkaako, babelesi bakwe bakamubuzya kuti: “Simaleleesu mwaami ngayandwiidwe musimbi nakalindu* uutanoomubelekele kali sikumulangania. Unakoona mumaboko aako kuchitila kuti iwe O mwaami simaleleesu kunookasaalilwa.” 3 Bakayanduula musimbi mubotu muchilawu choonse cha-Israyeli, mpawo bakajana Abbishagi muShunemu. Bakamweeta bamunjizya mwaakabede mwaami. 4 Musimbi ooyo wakali mubotu loko, wakaba sikulangania mwaami asikumubelekela, pesi mwaami taakwe naakoonaawe pe.
5 Aachiindi eecho, Adonija mwana waHagiti wakali kulisumpula kati: “Ndime ninditabe mwaami!” Wakaliyandwiida ngolo, basimabbiza abaalumi bali 50 bachijaana kunembo lyakwe. 6 Pesi wisi taakwe naakamwiinkila* pe kwiinda mukumubuzya kuti: “Wazichitilaanzi eezi?” Adonija wakali mubotu loko alubo wakazyalwa Abbisalomu kali wazyalwa kale. 7 Wakapangana aaJowabbu mwana waZeruya a-Abbiyata mupayizi, mpawo bakaba kubbazu lya-Adonija, alubo bakamugwasya. 8 Pesi Zadokki mupayizi, aBbenaya mwana waJehoyiyada, aNatani mupolofita, aShimeyi, aReyi, abasilumamba baDavida bali aamanguzu teebakaba kubbazu lya-Adonija pe.
9 Mpawo Adonija wakapayizya mbelele, ng’ombe, abanyama baneneede aafwiifwi abbwe lyakuZoheleti iili aafwiifwi a-Eni-rogeli. Wakatamba bananyina boonse bana bamwaami, abaalumi boonse bamuJuda babelesi bamwaami. 10 Pesi wakaleka kutamba Natani mupolofita, Bbenaya abasilumamba bali aamanguzu, naba Solomoni mwanikaakwe. 11 Mpawo Natani wakabuzya Bbati-shebba banyina baSolomoni kuti: “Teewazimvwa na kuti Adonija mwana waHagiti waba mwaami, pesi simaleleesu Davida taakwe nchazi pe atala amakani aaya? 12 Lino kuza ndikubuzye nzweelede kuchita, kuchitila kuti ufutule buumi bwako abwamwanaako Solomoni. 13 Njila uye kuMwaami Davida umubuzye kuti, ‘O mwaami simalelaangu, teenduwe na nwaakakonka kulindime ndimubelesi wako kuti: “Mwanaako Solomoni nguwe uutazoobe mwaami nikwazwa ndime, akuti nguwe uutazookkale aachuuno changu chabwaami”? Lino nkamboonzi Adonija naba mwaami?’ 14 Kuchili mukati kuli kwaambuula aamwaami, ime ndilanjila kuti ndisimye majwi aako.”
15 Nkinkaako, Bbati-shebba wakanjila mwakali mwaami mung’anda yakwe yakoona. Mwaami wakali wachembaala loko alubo Abbishagi muShunemu wakali kulangania mwaami. 16 Mpawo Bbati-shebba wakafugama akuvuntama kunembo lyamwaami, mpawo mwaami wakati: “Uyanda kukumbilaanzi?” 17 Wakasandula kuti: “Simalelaangu, nduwe nwaakakonka kwiinda muli Jehova Leza wako kulindime ndimubelesi wako kuti, ‘Mwanaako Solomoni nguwe uutazoobe mwaami nikwazwa ndime, akuti nguwe uutazookkale aachuuno changu chabwaami.’ 18 Pesi lino bona! Adonija waba mwaami, alubo mwaami simalelaangu taakwe nchazi pe atala amakani aaya. 19 Wapayizya bapule bang’ombe, banyama baneneede, ambelele kazili zyiingi loko alubo watamba bana bamwaami boonse kubikkilizya a-Abbiyata mupayizi aJowabbu silutwe wamasooja. Pesi taamutamba pe mubelesi wako Solomoni. 20 Lino, O mwaami simalelaangu, ma-Israyeli boonse bagamikide meso aalinduwe kuti ubabuzye kuti ngwani uutakkale aachuuno chabwaami chasimalelaangu mwaami nikwazwa nguwe. 21 Kuti teewachita oobo, O mwaami simalelaangu mbutalazikwe biyo amasianyookulu, ime amwanaangu Solomoni, tuzoobonwa mbuli basikubukila.”
22 Kachaambuula aamwaami, Natani mupolofita wakanjila. 23 Aachiindi nchicheecho, mwaami wakabuzigwa kuti: “Ngoyu Natani mupolofita!” Mpawo Natani wakasika kunembo lyamwaami wavuntama kumwaami busyu kabulangide aansi. 24 Mpawo Natani wakati: “O mwaami simalelaangu, kuli nwaakaamba na kuti, ‘Adonija nguwe uutazoobe mwaami nikwazwa ndime, akuti nguwe uutazookkale aachuuno changu chabwaami’? 25 Nkaambo sunu wakunuka kuti akapayizye bapule bang’ombe, banyama baneneede, ambelele kazili zyiingi loko, alubo watamba bana bamwaami boonse abasilutwe bamasooja a-Abbiyata mupayizi. Bali nkukooko kabalikulya akunywaamwi anguwe, kabali kwaamba kuti, ‘Awongole Mwaami Adonija!’ 26 Pesi taanditamba pe ime ndimubelesi wako, naba Zadokki mupayizi, naba Bbenaya mwana waJehoyiyada, naba mubelesi wako Solomoni. 27 Mwaami simalelaangu nguwe wazizumizya na eezi katabuzide mubelesi wakwe kuti ngwani weelede kuzookkala aachuuno chabwaami chasimalelaangu mwaami nikwazwa nguwe?”
28 Mwaami Davida wakasandula kuti: “Amundiitile Bbati-shebba.” Mpawo Bbati-shebba wakanjila wayimikila kunembo lyamwaami. 29 Mpawo mwaami wakakonka chikonke kati: “AJehova muumi, ooyo wakandivuna mumapenzi woonse, 30 mbuli mbundakakonka kulinduwe kwiinda muli Jehova Leza wa-Israyeli nindakati, ‘Mwanaako Solomoni nguwe uutazoobe mwaami nikwazwa ndime, akuti nguwe uutazookkale aachuuno changu chabwaami mundawu yangu!’ eezi nzizyo nzinditachite sunu.” 31 Mpawo Bbati-shebba wakaliwaala aansi, wavuntama kunembo lyamwaami mpawo wakati: “Simalelaangu mwaami Davida apone kukabe kutamani!”
32 Aachiindi nchicheecho, mwaami Davida wakati: “Amundiitile Zadokki mupayizi, Natani mupolofita, aBbenaya mwana waJehoyiyada.” Nkinkaako, bakanjila bayimikila kunembo lyamwaami. 33 Mwaami wakababuzya kuti: “Amwiinke aababelesi bangu, mpawo mutansike Solomoni aamyuulu* yangu, mukunuke aawe kuGihoni. 34 Zadokki mupayizi aNatani mupolofita bayoomunanika nkukooko kuti abe mwaami wa-Israyeli. Mpawo mukalizye mweembo kamuti, ‘Awongole Mwaami Solomoni!’ 35 Mpawo mumutobele naanooboola, alubo ulanjila akkale aachuuno changu chabwaami. Ulaba mwaami mundawu yangu, mpawo ndilabikka nguwe kuti abe muzulwidi wa-Israyeli aJuda.” 36 Aachiindi nchicheecho, Bbenaya mwana waJehoyiyada wakasandula mwaami kati: “Ameni! Jehova Leza wamwaami simalelaangu ape kuti kube oobo. 37 Jehova abe aaSolomoni mbuli mbaakali aamwaami simalelaangu, alubo ape kuti chuuno chakwe chabwaami chibe chipati kwiinda chasimalelaangu Mwaami Davida.”
38 Mpawo Zadokki mupayizi, Natani mupolofita, Bbenaya mwana waJehoyiyada, amaKkereti amaPeleti bakakunuka, batansika Solomoni aamyuulu* yaMwaami Davida mpawo bakamutola kuGihoni. 39 Lino Zadokki mupayizi wakabweza kwija kwakali aamafuta mutente wananika Solomoni, mpawo bakasaanguna kulizya mweembo alubo bantu boonse bakasaanguna koompolola kabati: “Awongole Mwaami Solomoni!” 40 Kuzwa waawo, bantu bakamutobela mpawo bakatanta kabalikusiba nyeele akusekelela kupati, zyakuti nyika yakabbaluka akaambo kamusindo wabo.
41 Adonija abantu boonse mbaakatambide bakawumvwa musindo ooyo kabali bamaninsya kale kulya. Jowabbu mbaakamvwa biyo kulila kwamweembo, wakabuzya kuti: “Nkamboonzi mumuunzi nimuli chiyoyooyo chiliboobu?” 42 Kachaambuula, Jonatani mwana wa-Abbiyata mupayizi wakasika. Mpawo Adonija wakati: “Njila, nkaambo iwe uli muntu uulikabotu, weelede kuti waza aamakani mabotu.” 43 Pesi Jonatani wakavwiila Adonija kati: “Peepe! Simaleleesu Mwaami Davida wabikka Solomoni kuba mwaami. 44 Mwaami wati ayinkaamwi aZadokki mupayizi, aNatani mupolofita, aBbenaya mwana waJehoyiyada, amaKkereti amaPeleti, mpawo bamutansika aamyuulu* yamwaami. 45 Zadokki mupayizi aNatani mupolofita bamunanika kuti abe mwaami kuGihoni. Mpawo bazwa nkukooko kabali kusekelela, lino mumuunzi muli chiyoyooyo. Nguumusindo ngumwamvwa. 46 Mukuyungizya, Solomoni wakkala aachuuno chabwaami. 47 Kuli chimwi lubo, babelesi bamwaami basika kuti bazoolumbayizye simaleleesu Mwaami Davida kabati, ‘Leza wako ape kuti zina lyaSolomoni libe aampuwo mpati kwiinda lyako, alubo Leza ape kuti chuuno chakwe chabwaami chibe chipati kwiinda chuuno chako chabwaami!’ Mpawo mwaami wakakotama aabulo. 48 Mukuyungizya, mwaami wati, ‘Atembawulwe Jehova Leza wa-Israyeli, ooyo wapa kuti sunu umwi muntu akkale aachuuno changu chabwaami alubo wazumizya kuti meso aangu alibonene!’”
49 Aabo boonse bakatambidwe aa-Adonija bakayoowa loko, mpawo umwi awumwi wabo wakanyampuka kaya kwakwe. 50 Anguwe Adonija wakayoowa akaambo kaSolomoni, nkinkaako, wakanyampuka weenda waakujata meja aachipayililo. 51 Solomoni wakabuzigwa mulumbe wakuti: “Adonija wayoowa akaambo kaMwaami Solomoni. Nkinkaako, ujisi meja aachipayililo kalikwaamba kuti, ‘Mwaami Solomoni asaangune kukonka kulindime ndimubelesi wakwe kuti takoondijaya pe apanga.’” 52 Mpawo Solomoni wakasandula kuti: “Kuti kasyomeka, taakwe kasusu nikaba kamwi kamumutwe wakwe katazoowide aansi. Pesi kuti kwajanika bubi mulinguwe, weelede kufwa.” 53 Nkinkaako, Mwaami Solomoni wakatuma bantu kuti bakamuselusye aachipayililo. Mpawo wakasika wanjila, wavuntama kunembo lyaMwaami Solomoni, kuzwa waawo, Solomoni wakati kulinguwe: “Yinka kung’anda yako.”