LAYIBBULALI IJANIKA A-INTANETI yaWatchtower
LAYIBBULALI IJANIKA A-INTANETI
yaWatchtower
Chitonga (Zimbabwe)
  • BBAYIBBELE
  • MABBUKU
  • MISWAANGANO
  • 2 Bakkorinte 8
  • Bbayibbili—Busanduluzi Bwanyika Mpya

Vidiyo njulikuyanda tiijaniki pe

Utulekelele, kulizyachitika vidiyo niyalikuyanda kujula

2 Bakkorinte Zili Mukati

      • Kubunganizya zipo zyamaKkristu bakuJudiya (1-15)

      • Tito watumwa kuKkorinte (16-24)

2 Bakkorinte 8:21

Makani Aamunsi

  • *

    Langa Bupanduluzi Bwamabala.

  • Bbayibbili—Busanduluzi Bwanyika Mpya
  • 1
  • 2
  • 3
  • 4
  • 5
  • 6
  • 7
  • 8
  • 9
  • 10
  • 11
  • 12
  • 13
  • 14
  • 15
  • 16
  • 17
  • 18
  • 19
  • 20
  • 21
  • 22
  • 23
  • 24
Bbayibbili—Busanduluzi Bwanyika Mpya
2 Bakkorinte 8:1-24

Lwabili kuBakkorinte

8 Bakombima, lino tuyanda kuti muzibe atala aluzyalo lupati lwaLeza lwakapegwa mbungano zyakuMakkedoniya. 2 Nibakali mumasunko mapati anibakali kupenzegwa, kukondwa kwabo kupati akufwaba kwabo kutaambiki, kwakapa kuti bunoti bwabo bwakupa buvule. 3 Nkaambo bakapa kweendelana anzibakalaazyo alubo ime biya, ndipa bukamboni bwakuti, bakapa kwiinda nzibakalaazyo. 4 Chakuliyandila, bakali kutukombelezya amoyo woonse kuti bajane chilongezyo chakupa, kuti batole lubazu mumulimu wakugwasya basalali. 5 Alubo bakachita zyiingi kwiinda nzitwakali kulangilila. Nikuba oobo, bakasaanguna kulipeda kuMwaami mpawo bakazootugwasya andiswe kwiinda mukuyanda kwaLeza. 6 Nkinkaako, twakasungwaazya Tito kuti amaninsizye mulimu ooyu wakubunganizya zipo zyanu zyakuliyandila, mbukunga nguwe wakali wasaanguna mulimu ooyu aakati kanu. 7 Nikuba oobo, mbukunga mulinotede muzintu zyoonse, mulusyomo, mumajwi, muluzibo, mukusungwaala koonse amuluyando lwesu akaambo kandinywe, amuyungizye mukupa ooku kwakuliyandila.

8 Ndilikwaamba zintu eezi, kutali kuti ndimupe mulawu pe, pesi kuti muzibe mbubasungweete bamwi akuti ndibone mbululi lwachoonzyo luyando lwanu. 9 Nkaambo muliluzi luzyalo lupati lwaMwaami wesu Jesu Kkristu, lwakuti, nikuba kuti wakalinotede pesi wakafwaba akaambo kandinywe, kuchitila kuti munote kwiinda mukufwaba kwakwe.

10 Ndiyanda kwaamba maboneno aangu munkani eeyi: Eezi zigwasya ndinywe, nkaambo nimwakasaanguna mulimu ooyu munyaka wayinda, teemwakagolela aakukanza kuyanda kuuchita kupela, pesi mwakatondeezya kuti muli aachiyandisyo chakuuchita. 11 Nkinkaako, lino amumaninsizye nzimwakasaanguna kuchita, kuchitila kuti muzuzikizye chiyandisyo chanu chakupa kweendelana anzimulaazyo. 12 Nkaambo kuti muntu walibambila saansi, chipo chakwe chilatambulika, kapati kuti wachipa kweendelana anzyalaazyo kutali kweendelana anzyatakwaazyo pe. 13 Nkaambo tandiyandi kuti bamwi zibawubile, pesi inywe zimuyumine, 14 pesi ndiyanda kuti kube kweelana, zintu zyiingi nzimulaazyo lino zimaninsye kubula kwabo, kuchitila kuti ambabo zintu zyiingi nzibalaazyo zimaninsye kubula kwanu, kuti kube kweelana. 15 Mbuli mbukulembedwe kuti: “Muntu uuli aazyiingi taakaba aazyiingi loko alubo muntu uuli aaziche taakaba aaziche loko.”

16 Alumbwe Leza nkaambo wakabikka kukataazikana nkutulaako akaambo kandinywe mumoyo waTito, 17 nkaambo kwaamba choonzyo, wakazumina kusungwaazigwa, pesi akaambo kachiyandisyo chipati nchalaacho, waliyandila kuza kulindinywe. 18 Pesi tulikumutuma kalaamwi amukombima uuli aampuwo mbotu mumbungano zyoonse akaambo kamakani mabotu. 19 Mukuyungizya, wakasalwa aambungano kuti keenda aandiswe, nitutola chipo eechi chakuliyandila kuti Mwaami alemekwe akuti chibe chitondeezyo chakuti tulilibambilide kugwasya bamwi. 20 Nkinkaako, tulikweezya munzila zyoonse kuti kutabi muntu uutujanina mulandu mumulimu ooyu ngutulikuchita wakutola zipo zyiingi nzimwakapa amoyo woonse. 21 Nkaambo ‘tulasyomeka muzintu zyoonse, kutali kunembo lyaJehova* kupela, pesi nikuba kunembo lyabantu.’

22 Mukuyungizya, tulikubatumaamwi awumwi mukombima ngutwakalanga-langa kwaziindi zyiingi akubona kuti musungu muzintu zyiingi, pesi lino wayindilila kusungwaala nkaambo umusyoma loko. 23 Nikuba oobo, kuti kakuli mibuzyo njimulaayo atala aTito, amuzibe kuti mweenzuma akuti ubelekaamwi andime kuti amugwasye. Alubo kuti kamuli aamibuzyo atala abakombima aaba, amuzibe kuti mbaapostoli bambungano alubo mbulemu bwaKkristu. 24 Nkinkaako, amutondeezye kuti mulabayanda, alubo mutondeezye mbungano zyakapa kuti tulidunde akaambo kandinywe.

Mabbuku Ajanika MuChitonga (Zimbabwe) (2013-2025)
Zwa
Njila
  • Chitonga (Zimbabwe)
  • Share
  • Preferences
  • Copyright © 2025 Watch Tower Bible and Tract Society of Pennsylvania
  • Terms of Use
  • Privacy Policy
  • Privacy Settings
  • JW.ORG
  • Njila
Share