Makani aakalembwa aaMakko
12 Mpawo wakasaanguna kwaambuula aambabo kabelesya zikozyanisyo, kati: “Umwi mwaalumi wakalima muunda wamisaansa, wawuyakila mpawo wakasya dindi lyakukandila masaansa, wayaka ngazi mpawo wakawusiila balimi mpawo wakayinka kunyika iili kule. 2 Nichakaba chiindi chamasaansa, wakatuma muzike kubalimi kuti akeete imwi michelo yamumuunda wamisaansa. 3 Pesi bakamujata, bamuuma mpawo bakamutanda katakwe nchalaacho. 4 Alubo wakatuma umwi muzike, mpawo anguwe bakamuuma kumutwe alubo teebakamulemeka pe. 5 Alubo wakatuma umwi, mpawo bakamujaya, alubo wakatuma bamwi biingi, mpawo balimi bakawuma bamwi mpawo bamwi bakabajaya. 6 Kwakachili umwi wakasyeede, nkukwaamba mwanaakwe uuyandwa. Kumamanino wakamutuma kulimbabo, kati, ‘Bazoomulemeka mwanaangu.’ 7 Pesi balimi aabo bakati muli chabo-chabo, ‘Ooyu ngusikukona. Amuze tumujaye, mpawo lukono lulaba lwesu.’ 8 Nkinkaako, bakamubweza, bamujaya mpawo bakamuwaalila aanze aamuunda wamisaansa. 9 Mwinimuunda wamisaansa uzoochita biyeni? Uzoosika ajaye balimi mpawo muunda wamisaansa uzoowupa bamwi. 10 Teemwakalubala na lugwalo oolu luti: ‘Ibbwe ndibakakaka bayaki, lyaba bbwe liyandikana lyaakkona.* 11 Ibbwe eeli lyazwa kuli Jehova* alubo lilagambya mumeso eesu’?”
12 Mpawo bakayanda kumujata,* pesi bakayoowa nkamu yabantu, nkaambo bakaziba kuti wakali kwaamba mbabo muchikozyanisyo eechi. Nkinkaako, bakamusiya beenda.
13 Mpawo bakatuma bamwi baFarisi abatobeli baHerodi, kuchitila kuti bakamujate amajwi aakwe. 14 Nibakasika, bakati kulinguwe: “Muyiisi, tulizi kuti waamba simpe akuti tuyandi kubotezya bantu, nkaambo tulangi mbubaboneka aanze, pesi uyiisya nzila yaLeza kweendelana akasimpe. Zilazumizigwa na amulawu* kubbadala mutelo kuli Kkesari naakuti pe? 15 Tweelede kubbadala na naakuti tatweelede kubbadala?” Naakabona kuupa-wupa kwabo, wakati kulimbabo: “Nkamboonzi nimulikundisunka? Amundipe dinari tubone.” 16 Bakamupa dinari mpawo wakati kulimbabo: “Chifanikisyo eechi amajwi aaya nzizyani?” Bakati kulinguwe: “NzizyaKkesari.” 17 Mpawo Jesu wakati: “Zintu zyaKkesari amuzipe Kkesari, pesi zintu zyaLeza amuzipe Leza.” Nkinkaako, bakagamba akaambo kamajwi aakwe.
18 BaSadusi, aabo baamba kuti taakwe kubusigwa kwabantu bafwide, bakasika mpawo bakamubuzya kuti: 19 “Muyiisi, Mozesi wakatulembela kuti, kuti mukulana wawumwi wafwa mpawo wasiya mwanakazi katakwe mwana, mwanikaakwe weelede kukwata mwanakazi ooyo mpawo azyalile mukulanaakwe bana. 20 Kwakali bana bachaalumi bali musanu ababili bakazyedwe aamwi. Wakusaanguna, wakakwata pesi wakafwa katakwe mwana pe. 21 Wachibili wakamukwata pesi anguwe wakafwa katakwe mwana pe. Awachitatu naakamukwata, kwakachitika chintu chikozyenie. 22 Boonse kabali musanu ababili bakafwa kabatasiide mwana pe. Kumamanino, anguwe mwanakazi ooyo wakazoofwa. 23 Bafwide baakubusigwa, mwanakazi ooyo uzooba wani? Nkaambo boonse kabali musanu ababili bakalimukwete.” 24 Jesu wakati kulimbabo: “Nchimusweekede nkaambo tamwaazi pe Magwalo naaba manguzu aaLeza. 25 Nkaambo baakubusigwa kuzwa kubafu, baalumi tabazookwati pe alubo banakazi tabazookwatwi pe pesi banooli mbuli ngilozi zili kujulu. 26 Pesi kunkani yakubusigwa kwabafwide, teemwakabala na mubbuku lyaMozesi mumakani aali atala achiteyo chamaamvwa, aawo Leza naakati kulinguwe: ‘Ndime Leza wa-Abbrahamu aLeza wa-Izakka aLeza waJakkobo’? 27 NguLeza wabawumi kutali wabafwide pe. Choonzyo mulisweekede.”
28 Umwi mulembi wakasikide alubo wakabamvwa kabali kukazyania, naakabona kuti wabasandula kabotu, wakamubuzya kuti: “Nguuli mulawu mupati* kwiinda yoonse?” 29 Jesu wakasandula kuti: “Mulawu mupati kwiinda yoonse ngwakuti: ‘Swiilila O Israyeli, Jehova* Leza wesu, nguJehova* uumwi, 30 alubo weelede kuyanda Jehova* Leza wako amoyo wako woonse, abuumi bwako boonse, amizeezo yako yoonse, amanguzu aako woonse.’ 31 Wachibili ngooyu, ‘Weelede kuyanda simayakilane wako mbuli mbuliyanda.’ Taakwe umwi mulawu mupati wiinda yeeyi.” 32 Mulembi wakati kulinguwe: “Muyiisi, wasandula kabotu kweendelana akasimpe. ‘Leza Ngumwi alubo taakwe uumbi kunze kwakwe alikke,’ 33 alubo kuyanda Leza amoyo woonse amizeezo yoonse amanguzu woonse, akuyanda simayakilane mbuli mbuliyanda, kuyandikana loko kwiinda zipo zyoonse zitentwa kazikkwene azipayizyo.” 34 Jesu naakabona kuti wasandula chabusongo, wakati kulinguwe: “Tawuli kule pe aBwaami bwaLeza.” Pesi taakwe wakaba aachibindi chakumubuzya imwi mibuzyo pe.
35 Nikuba oobo, Jesu wakayinkilila kunembo kalikuyiisya mutempele, wakati: “Nkamboonzi balembi nibaamba kuti Kkristu mwana waDavida? 36 Kwiinda mumuuya uusalala, Davida lwakwe wakati: “Jehova* wakati kuMwaami wangu: ‘Kkala kukuboko kwangu kwachilisyo kusikila ndibikke basinkondonyokwe kunsi aamawulu aako.”’ 37 Davida lwakwe umwiita kuti Mwaami, ani kujana waba mwanaakwe biyeni?”
Mpawo nkamu mpati yabantu yakali kumuswiilila kayilikubotelwa. 38 Alubo naakali kuyiisya wakayinkilila kunembo kati: “Amubachenjelele balembi bayandisya kweendeenda kabazweete zigogo zilamfu alubo bayanda kujuzigwa kumisika 39 alubo bayandisya zyuuno zili kunembo* muzikombelo andawu zilemekwa loko kuchilalilo. 40 Banyonyoona maanda aabamukabafu* alubo bakomba nkombyo ndamfu kabayanda kubonwa aabantu. Bantu aaba bazoopegwa chisubulo chipati loko.”
41 Mpawo wakakkala aansi kalangide kuzibikkilo zyamali, alubo wakasaanguna kubona bantu mbubakali kuwaala mali muzibikkilo eezyo alubo bantu biingi banotede bakali kuwaala mali nyingi. 42 Mpawo mukamufu uufwaba wakasika, wawaala tumali tubili* tutakwe ambutubede. 43 Nkinkaako, wakayita basikwiiya bakwe mpawo wakati kulimbabo: “Kwaamba choonzyo, ndimubuzya kuti, mukamufu ooyu uufwaba, wabikka mali nyingi loko kwiinda bamwi boonse balikubikka mali muzibikkilo zyamali. 44 Nkaambo boonse babikka mali kabazubula kuzwa kuzintu zyiingi nzibalaazyo pesi mukamufu ooyu, nikuba kuti ulafwaba, wabikka zyoonse nzyaalaazyo, zyoonse nzyaali kuponaazyo.”