Ezra
10 Ezra naakali kukomba akwaamba zibi zyabantu kumwi kali kulila kafugeme kunembo lyang’anda yaLeza wakasimpe, nkamu mpati yama-Israyeli, baalumi, banakazi, abana bakabungana kabamuzyungulukide nkaambo bantu bakali kulila loko. 2 Mpawo Shekkaniya mwana waJehiyeli umwi wabana ba-Elamu wakati kuli Ezra: “Teetwasyomeka pe kuli Leza wesu kwiinda mukukwata* banakazi bakuli zimwi zisi aabo bazwa kubantu bamunyika eeyi. Nikuba oobo, kuchili bulangilizi kuma-Israyeli. 3 Lino atupangane chizuminano aLeza wesu, tutande banakazi boonse abana mbibakazyala kweendelana amalayilile aaJehova abaabo balemeka* milawu yaLeza wesu. Atuchite kweendelana aMulawu. 4 Buka, nkaambo nkani eeyi mukuli wako, tuli aanduwe. Sima, bweza ntaamu.”
5 Kuzwa waawo, Ezra wakabuka mpawo wakapa kuti bapati babapayizi, maLevi ama-Israyeli boonse bachite chikonke chakuti balachita zyakaambwa. Nkinkaako, bakakonka. 6 Mpawo Ezra wakazwa aang’anda yaLeza wakasimpe wayinka kung’anda* yaJehohanani mwana wa-Eliyashibbu. Nikuba kuti wakayinka nkukooko, taakwe nchaakalya pe nikuba kunywa maanzi, nkaambo wakali kulila akaambo kakutasyomeka kwabantu bakazwa mubuzike.
7 Mpawo bakaambilizya muJuda yoonse amuJerusalema kuti bantu boonse bakazwa mubuzike babungane aamwi kuJerusalema. 8 Alubo kweendelana azyakasalwa aabasilutwe abaalu, kufumbwa muntu wakali kunooleka kusika mumazuba aatatu wakali kuzoonyangwa* zintu zyakwe zyoonse, akutandwa mumbungano yabantu bakazwa mubuzike. 9 Nkinkaako, baalumi boonse baJuda abaBbenjamini bakabunganaamwi kuJerusalema mumazuba aatatu mumweezi wamusanu ayine mubuzuba bwachi 20 mumweezi ooyo. Bantu boonse bakakkede mulubuwa lwang’anda yaLeza wakasimpe bakali kuzazama akaambo kankani eeyi alubo akaambo kamvula mpati yakali kuwa.
10 Mpawo Ezra mupayizi wakanyampuka wababuzya kuti: “Teemwasyomeka pe kwiinda mukukwata banakazi bakuli zimwi zisi, nkinkaako, mwayungizya uumbi mulandu kuli Israyeli. 11 Lino amulyaambilile zibi zyanu kuli Jehova Leza wamawuso muchite kuyanda kwakwe. Amulipambule kubantu bamunyika eeyi akubanakazi aaba bakuli zimwi zisi.” 12 Mpawo mbungano yoonse yakasandwidaamwi ajwi lili aajulu kayiti: “Tulachita mbuli mbuwaamba. 13 Nikuba oobo, kuli bantu biingi alubo nchiindi chakuwa kwamvula. Takwiimikiliki pe aanze alubo nkani eeyi tayikootola buzuba bumwi naakuti aabili, nkaambo twakachita chibi chipati loko kuli Leza. 14 Ikaka, tukumbila kuti basilutwe besu bayiminine mbungano yoonse, alubo bantu boonse bali mumyuunzi yesu bakwete banakazi bakuli zimwi zisi baze aachiindi chibikkidwe kabalaamwi abaalu ababetesi bamuunzi umwi awumwi, kusikila bukali bupati Leza wesu mbwatuchitilide munkani eeyi bumane.”
15 Nikuba oobo, Jonatani mwana wa-Asaheli aJazeya mwana waTikkiva bakaakaka makani aaya alubo Meshulamu aShabbetayi maLevi bakaba kubbazu lyabo. 16 Pesi bantu bakazwa mubuzike bakachita zyakazuminanwa; mpawo Ezra mupayizi abasilutwe bampuli zyamaanda aamawisi, boonse bakali aamazina aakalembedwe bakabungana abalikke mubuzuba bwakusaanguna mumweezi wakkumi kuti balange-lange nkani eeyi. 17 Mubuzuba bwakusaanguna mumweezi wakusaanguna bakali bamaninsya kubambulula nkani zyabaalumi boonse bakakwete banakazi bakuli zimwi zisi. 18 Kwakajanika kuti bamwi bana babapayizi bakakwete banakazi bakuli zimwi zisi, kuzwa kubana baJeshuwa mwana waJehozadakki ababbululu bakwe kwakali Maaseya, Eliyeza, Jaribbi, aGedaliya. 19 Bakasyomezya kuti balabatanda banakazi babo, mbukunga bakali aamulandu, umwi awumwi wabo wakali kuyoopa mugutu kuzwa kumbelele akaambo kamulandu wakwe.
20 Kuzwa kubana ba-Imeri, kwakali Hanani aZebbadiya; 21 kuzwa kubana baHarimu, kwakali Maaseya, Elija, Shemaya, Jehiyeli, a-Uziya; 22 kuzwa kubana baPashuri, kwakali Eliyonayi, Maaseya, Ishumayeli, Netaneli, Jozabbadi a-Eliyasa. 23 Kuzwa kumaLevi, kwakali Jozabbadi, Shimeyi, Kkelaya, (nkukwaamba Kkelita), Petahiya, Juda, a-Eliyeza; 24 kuzwa kubayimbi, kwakali Eliyashibbu; kuzwa kubalindi bamageedi kwakali Shalumu, Telemu, a-Uri.
25 Kuzwa kuma-Israyeli, kubana baParoshi, kwakali Ramiya, Iziya, Malikkija, Mijamini, Eliyezari, Malikkija, aBbenaya; 26 kuzwa kubana ba-Elamu, kwakali Mataniya, Zakkariya, Jehiyeli, Abbidi, Jeremoti, a-Elija; 27 kuzwa kubana baZatu, kwakali Eliyonayi, Eliyashibbu, Mataniya, Jeremoti, Zabbadi, a-Aziza; 28 kuzwa kubana baBbebbayi, kwakali Jehohanani, Hananiya, Zabbayi, a-Atilayi; 29 kuzwa kubana baBbani, kwakali Meshulamu, Malukki, Adaya, Jashubbi, Sheyali, aJeremoti; 30 kuzwa kubana baPahati-mowabbu, kwakali Adina, Kkelali, Bbenaya, Maaseya, Mataniya, Bbezaleli, Bbinuyi, aManase; 31 kuzwa kubana baHarimu, kwakali Eliyeza, Ishija, Malikkija, Shemaya, Shimiyoni, 32 Bbenjamini, Malukki, aShemariya; 33 kuzwa kubana baHashumu, kwakali Matenayi, Matata, Zabbadi, Elifeleti, Jeremayi, Manase, aShimeyi; 34 kuzwa kubana baBbani, kwakali Maadayi, Amuramu, Uweli, 35 Bbenaya, Bbedaya, Kkeluhi, 36 Vanaya, Meremoti, Eliyashibbu, 37 Mataniya, Matenayi, aJaasu; 38 kuzwa kubana baBbinuyi, kwakali Shimeyi, 39 Shelemiya, Natani, Adaya, 40 Makkinadebbayi, Shashayi, Sharayi, 41 Azareli, Shelemiya, Shemariya, 42 Shalumu, Amariya, aJosefa; 43 kuzwa kubana baNebbo, kwakali Jeyiyeli, Matitiya, Zabbadi, Zebbina, Jadayi, Joweli, aBbenaya. 44 Baalumi boonse aaba bakakwete banakazi bakuli zimwi zisi alubo bakatanda banakazi babo aamwi abana babo.