Babetesi

15 Nikwakayinda chiindi, mumazuba aakutebula wiiti, Samisoni wakaya kukubona mwanakazi wakwe, wakayinka aakapongo mpawo wakati: “Ndiyanda kunjila mung’anda* muli mwanakazi wangu.” Pesi wisi wamwanakazi wakwe taakamuzumizya pe. 2 Wisi wamwanakazi ooyo wakati: “Ndakayeeya kuti, ‘Ulamuzonda biya mwanaangu.’ Nkinkaako, ndakamupa kuli umwi wabasikukusindikila. Mwanikaakwe teemubotu na kwiinda nguwe? Bweza nguwe.” 3 Nikuba oobo, Samisoni wakati kulimbabo: “Lino maFilisiti tabakoondipa mulandu pe kuti ndabachisa.”

4 Nkinkaako, Samisoni wakayinka waakujata bamwaaba bali 300. Wakabweza malambe mpawo wajata bamwaaba babili-babili wabaangilizya kumichila, mpawo lambe limwi alimwi walyaangilizya kumichila yabamwaaba babili-babili. 5 Mpawo wakadoneka mulilo aamalambe aayo mpawo bamwaaba wakabatandila mumyuunda yamaFilisiti yakali aazilyo zyiingi. Wakatenta zintu zyoonse, kuzwa kumusunta kusika kuzilyo zyiimvwi, kuswaanizya amyuunda yamisaansa ami-olifa.

6 MaFilisiti bakabuzya kuti: “Ngwani wachita zintu eezi?” Bakabuzigwa kuti: “NguSamisoni mukwaansa wamwaalumi muTimina, nkaambo wakabweza mwanakazi wakwe wamupa umwi wabasikumusindikila.” MaFilisiti nibakamvwa oobo, bakatanta baakumutenta mumulilo mwanakazi ooyo awisi. 7 Mpawo Samisoni wakababuzya kuti: “Kuti kakuli kuti eezi nzizyo nzimwachita, tandikoomuleka pe kusikila ndimukkwichizye.” 8 Mpawo wakajaya bantu biingi loko. Kuzwa waawo, wakakunuka waakukkala mumpako* yabbwe pati litegwa Etamu.

9 Nikwakayinda chiindi, maFilisiti bakasika bakkempa muJuda alubo bakali kweendeenda muLehi. 10 Mpawo baalumi bamuJuda bakabuzya kuti: “Mwazida kuzootulwaninaanzi?” Mpawo bakasandula kuti: “Twaza kuzoojata* Samisoni, tuyanda kumuchitila nzyaakatuchitila.” 11 Nkinkaako, baalumi bamuJuda bali 3 000 bakakunuka baya kumpako yabbwe pati litegwa Etamu baakubuzya Samisoni kuti: “Ani tuzizi na kuti maFilisiti mbabo batweendelezya?” Nkamboonzi nwaakatuchitila zintu zili boobu? Wakabasandula kuti: “Ndakabachitila nzibakandichitila.” 12 Pesi bakamubuzya kuti: “Twazida kuzookujata* mpawo tukubikke mukuboko kwamaFilisiti.” Samisoni wakati: “Amundisyomezye kuti tamukoondilwana pe.” 13 Mpawo bakati kulinguwe: “Tatukookujaya pe; tulakusunga biyo mpawo tukutole kulimbabo.”

Nkinkaako, bakamusunga aantambo zibili zipya, bamugwisya mubbwe. 14 Naakasika kuLehi, maFilisiti bakoompolola loompololo lwakuzunda nibakaswaanana aanguwe, mpawo muuya waJehova wakamupa manguzu, ntambo nzyaakasungidwe mumaboko zyakaba mbuli busumyo bwatentwa mumulilo ancheni nzyaakasungidwe kumaboko zyakayaaya. 15 Mpawo wakajana muyaya mutete wadonki genze, wakawubweza akuubelesya kujaya baalumi bali 1 000. 16 Mpawo Samisoni wakati:

“Amuyaya wadonki, ndabalundika mumilwi!

Amuyaya wadonki, ndajaya baalumi bali 1 000.”

17 Naakamanisya kwaamba oobo, wakasowa muyaya wadonki mpawo ndawu eeyo wakayiwuzika kuti Ramati-lehi.* 18 Mpawo wakafwa nyota, wakayita Jehova kati: “Leza wangu, ndili mubelesi wako, nduwe nwaandipa lufutuko lupati oobu, pesi lino ndifwe aanyota na akuba mukuboko kwabantu batapalwidwe?” 19 Nkinkaako, Leza wakabbalula chilindi chakali muLehi mpawo maanzi akazwa mulinchicho. Naakaanywa, manguzu* aakwe akaboola mpawo wakasima. Nzizyo zyakapa kuti awuzike ndawu eeyo kuti Eni-hakkore* iili muLehi kusika sunu.

20 Wakabeteka Israyeli kwaminyaka iili 20 mumazuba aamaFilisiti.