Jona
2 Mpawo Jona wakakomba kuli Jehova Leza wakwe kali mwida lyamuswi, 2 kati:
“Nindakali mumapenzi, ndakayita Jehova, mpawo wakandivwiila.
Nindakali mwida lyaKabanda,* ndakakwiilila kugwasigwa.
Wakalimvwa jwi lyangu.
3 Nwaakandiwaalila kunsi aamaanzi, mukati kalwizi,
Maanzi aayenda changuzu akandiputila.
Mayuwe aako woonse mapati akayinda aajulu aali ndime.
4 Mpawo ndakati, ‘Ndatandwa kubusyu bwako!
Ndizoolibona lubo na tempele lyako lisalala?’
5 Maanzi akandiputila akuyanda kundijaya;
Maanzi aanikide akandizunda.
Masokwe aamulwizi akandilambila mumutwe.
6 Ndakabbila ndasika kunsi aazilundu.
Mageedi aanyika akalindijalilide kukabe kutamani.
Pesi iwe, O Jehova Leza wangu, wakanuna buumi bwangu mukkomba.
7 Nindakali ndaba aafwiifwi kufwa, Jehova nguwe ngundakayeeya.
Mpawo nkombyo yangu yakasika kulinduwe, mutempele lyako lisalala.
8 Aabo bakomba zibumbwa zitagwasyi, basiya ooyo uubatondeezya luyando lutamani.*
9 Pesi ime, ndizoopa zipayizyo aamwi ajwi lyakulumba kulinduwe.
Nzindakonka, ndizoozizuzikizya.
Lufutuko luzwa kuli Jehova.”
10 Mukuya kwachiindi, Jehova wakalayilila muswi mpawo muswi ooyo wakaluka Jona aanyika njumu.