Makani mabotu aakalembwa aaMateyo
4 Mpawo Jesu wakazulwidwa aamuuya kuti aye munkanda kuti akasunkwe aaDyabbulosi. 2 Naakalyiimya kulya kwamazuba aali 40 amansiku aali 40, wakaba aanzala. 3 Mpawo Sikusunka wakasika, mpawo wakati kulinguwe: “Kuti kuli mwana waLeza, buzya mabwe aaya kuti abe zinkwa.” 4 Pesi wakasandula kuti: “Kulilembedwe kuti: ‘Muntu teelede kupona aachinkwa achilikke pe, pesi amajwi woonse aazwa mumulomo waJehova.’”*
5 Mpawo Dyabbulosi wakayinkaawe mumuunzi uusalala, waakumwiimikizya aandawu ndamfu yamuduli watempele 6 mpawo wakati kulinguwe: “Kuti kuli mwana waLeza, liwaalile aansi nkaambo kulilembedwe kuti: ‘Uzoolayilila ngilozi zyakwe atala anduwe,’ akuti ‘Zizookunyampula amaboko aazyo, kuchitila kuti kuulu kwako kutawuminini aabbwe.’” 7 Jesu wakati kulinguwe: “Alubo kulilembedwe kuti: ‘Utasunki Jehova* Leza wako pe.’”
8 Alubo Dyabbulosi wakayinkaawe kuchilundu chilamfu loko, mpawo wakamutondeezya bwaami boonse bwanyika abulemu bwabo. 9 Mpawo wakati kulinguwe: “Ndilakupa zintu zyoonse eezi kuti wandifugamina akundikomba kamwi biyo.” 10 Mpawo Jesu wakati kulinguwe: “Zwaawa Saatani! Nkaambo kulilembedwe kuti: ‘NguJehova* Leza wako nguyelede kukomba alubo nguwe alikke nguyelede kubelekela mulimu uusalala.’” 11 Mpawo Dyabbulosi wakamusiya alubo ngilozi zyakasika mpawo zyakasaanguna kumubelekela.
12 Naakamvwa kuti Johane wasungwa, wakazwa waya kuGalili. 13 Mukuyungizya, naakazwa kuNazareta, wakasika mpawo wakakkala kuKkapenawume kumbali aalwizi, mumabbooma aaZebbuloni aNafutali, 14 kuchitila kuti kuzuzikizigwe zyakaambwa kwiinda muli Isaya mupolofita, ooyo wakati: 15 “O nyika yaZebbuloni anyika yaNafutali, iili kumbali aamugwagwa walwizi, amutaleeliya aaJodani, Galili wazisi! 16 Bantu bakkede mumudima, bakabona mumuni mupati alubo aabo bakkede muchilawu chamweenzule walufu, mumuni wakabamunikila.” 17 Kuzwa kuchiindi eecho kaziya kunembo, Jesu wakasaanguna kukambawuka kati: “Amusanduke, nkaambo Bwaami bwakujulu bwaswena aafwiifwi.”
18 Jesu naakali kuyabweenda kumbali aalwizi lwaGalili, wakabona baalumi babili, nkukwaamba Simoni uutegwa Petro amwanikaakwe Andreya kabali kuwaala kanyandi mulwizi, nkaambo bakali basikuzuba baswi. 19 Mpawo wakati kulimbabo: “Amunditobele mpawo ndizoopa kuti mube basikuzuba bantu.” 20 Aachiindi nchicheecho, bakasiya tunyandi twabo mpawo bakamutobela. 21 Naakazwa mpawaawo, wakabona bamwi baalumi babili lubo, nkukwaamba Jakkobo mwana waZebbediya amwanikaakwe Johane. Bakali mubwaato awisi, Zebbediya, kabali kusuma tunyandi twabo mpawo wakabayita. 22 Aachiindi nchicheecho, bakasiya bwaato awisi mpawo bakamutobela.
23 Mpawo wakeenda muGalili yoonse kayabuyiisya muzikombelo zyabo akukambawuka makani mabotu aaBwaami akuponia bantu malwazi aamisyobo yoonse amachise aamisyobo yoonse. 24 Makani aali atala anguwe akazula muSiriya yoonse alubo bakamweetela bantu boonse bakali aamalwazi amachise aasiyene-siyene, bakali aamadimoni, bakali aazisuntu, abakayumide mubili mpawo wakabasilika. 25 Nkinkaako, makamu miingi aabantu akamutobela kuzwa kuGalili, kuDekkapoli,* kuJerusalema, kuJudiya amutaleeliya aaJodani.