Makani Aakalembwa aaLukka
16 Mpawo basikwiiya bakwe wakababuzya lubo kuti: “Umwi mwaalumi uunotede wakali aamulangizi* wakali kutamikizigwa kuti ulikunyonyoona zintu zyakwe. 2 Nkinkaako, wakamwiita mpawo wakati, ‘Niinzi eechi nchindimvwide atala anduwe? Ndipe zintu nzwaakalemba zyamulimu wako wabulangizi, nkaambo tazichichiti pe kuti wiinkilile kunembo kuli mulangizi wang’anda.’ 3 Mpawo mulangizi ooyo wakalibuzya kuti, ‘Ndilachita biyeni mbukunga simalelaangu waabundigwisya aamulimu wabulangizi? Tandikwe manguzu aakusya alubo ndili aabweeme bwakukumbilila. 4 Yaa! Ndaziziba nzinditachite kuchitila kuti ndaakugwisigwa aamulimu wabulangizi, bantu bakanditambule mumaanda aabo.’ 5 Mpawo wakayita bantu bakali aazikwelete kuli simalelaakwe alubo wakabuzya wakusaanguna kuti, ‘Ulaachikwelete chipati biyeni kuli simalelaangu?’ 6 Mpawo wakasandula kuti, ‘Nzipimyo* zyamafuta aama-olifa zili 100.’ Mpawo mulangizi wakati kulinguwe, ‘Bweza pepa lyako lyachizuminano, ukkalaansi ubukaakulemba kuti 50.’ 7 Mpawo wakati kuli umwi, ‘Ani iwe chako nchipati biyeni?’ Mpawo wakati, ‘Nzipimyo zipati* zyawiiti zili 100.’ Mpawo mulangizi wakati kulinguwe, ‘Bweza pepa lyako lyachizuminano, ulembe kuti 80.’ 8 Nikuba kuti mulangizi ooyu taakaluleme pe, pesi simalelaakwe wakamulumbayizya nkaambo wakabelesya maanu.* Nkaambo bana bamubwiime bwazintu oobuno* mbasongo munzila iigwasya kubantu bamuzyalani lyabo, kwiinda bana bamumuni.
9 “Alubo ndimubuzya kuti: Amubelesye bunoti butaluleme kuti mujane beenzinyokwe, kuchitila kuti nibwamana, bakamutambule mundawu zyakukkala zitamani. 10 Muntu uusyomeka kuzintu ziniini, ulasyomeka akuzintu zipati alubo muntu uutaluleme kuzintu ziniini, taluleme pe akuzintu zipati. 11 Nkinkaako, kuti teemwatondeezya kuti mulasyomeka kubunoti butaluleme, ngwani uutazoomupe mulimu wakulangania bunoti bwachoonzyo? 12 Alubo, kuti teemwatondeezya kuti mulasyomeka kuchintu chawumwi, ngwani uutazoomupe zintu zyanu? 13 Taakwe mubelesi uukonzya kubelekela basimalelo babili, nkaambo uzoozonda umwi mpawo ayande umwi, naakuti uzookakatila kuli umwi mpawo aleke kulemeka umwi. Tamukonzyi pe kubelekela Leza aBunoti.”
14 BaFarisi aabo bakali kuyandisya mali, bakali kuswiilila zintu zyoonse eezi mpawo bakasaanguna kumunyemena. 15 Nkinkaako, wakati kulimbabo: “Inywe ndinywe mulyaamba kuti muliluleme kunembo lyabantu, pesi Leza uliizi myoyo yanu. Nkaambo chintu bantu nchibabona kuti chilisumpukide, chilasesemya kuli Leza.
16 “Mulawu aBapolofita zyakaliwo kusika kuchiindi chaJohane. Kuzwa kuchiindi eecho, Bwaami bwaLeza, bulikwaambilizigwa mbuli makani mabotu alubo bantu bamisyobo yoonse balikulwisya kuti babujane. 17 Kwaamba choonzyo, nkuuba kuti julu anyika zyiinde, kwiinda kuti kapanzi kamwi kabbii lyaMulawu kaleke kuzuzikizigwa.
18 “Muntu woonse uuleka mwanakazi wakwe mpawo akwate umwi, uchita bumambi alubo kufumbwa muntu uukwata mwanakazi wakalekwa, uchita bumambi.
19 “Kwakali umwi mwaalumi wakanotede, wakali kuzwaata zigogo zyapepulu, zyakapangidwe aamulembo mubotu alubo wakali kupona buumi bubotu, kabotelwa buzuba abuzuba. 20 Pesi umwi sikukumbilila uutegwa Lazaro wakali aazilonda mubili woonse, wakali kubikkwa aageedi lyamwaalumi ooyo uunotede, 21 alubo wakali kulombozya kulya zintu zyakali kuloka kuzwa kutebbulu lyamwaalumi ooyo uunotede. Nibaba bankala bakali kusika kabanyankuta zilonda zyakwe. 22 Mukuya kwamazuba, sikukumbilila wakafwa mpawo ngilozi zyakamutola kubbazu lya-Abbrahamu.*
“Anguwe mwaalumi uunotede wakafwa mpawo wakazikkwa. 23 Naakali muKabanda* kali mumachise, wakalungumana kujulu mpawo wakabona Abbrahamu kali kule, aLazaro kali kubbazu lyakwe.* 24 Nkinkaako, wakayita kati: ‘Ndeende Abbrahamu, ndifwide luzyalo utume Lazaro kuti anike kanwe kakwe mumaanzi mpawo azootontozye lulimi lwangu nkaambo ndoomba mumulilo ooyu uuvwilima.’ 25 Pesi Abbrahamu wakati, ‘Mwanaangu, yeeya kuti wakajana zintu zyiingi zibotu kuchipona, pesi Lazaro wakajana zintu zibi. Nikuba oobo, lino Lazaro ulikuumbulizigwa ookuno, pesi iwe ulikoomba. 26 Alubo kwiinda zyoonse eezi, aakati kesu andinywe kwabikkwa dindi damfu, kuchitila kuti aabo balikookuno bayanda kuzubuka kuti baze kulindinywe bakachilwe, akuti aabo balikooko bayanda kuzubuka kuti baze ookuno bakachilwe.’ 27 Mpawo wakati, ‘Kuti kakuli oobo ndeende, ndikumbila kuti umutume kung’anda yandeende, 28 nkaambo ndili aabanike bali musanu, kuti akabape bukamboni buzwide, kuchitila kuti ambabo batazoosiki pe ookuno kundawu eeyi yamachise.’ 29 Pesi Abbrahamu wakati, ‘Nkwali Mozesi aBapolofita, abaswiilile mbabo.’ 30 Mpawo mwaalumi ooyo wakati: ‘Peepe ndeende Abbrahamu, pesi kuti umwi muntu uuzwa kubafu wabayinkila, balasanduka.’ 31 Pesi Abbrahamu wakati kulinguwe, ‘Kuti kabatamuswiilili pe Mozesi aBapolofita, nkukwaamba kuti tabakasyomi pe nikuba kuti umwi muntu wabusigwa kuzwa kubafu.’”