Samiyele Wachibili
11 Kumasaangunino aamunyaka,* aachiindi baami nibakali kwiinka kuyoolwana, Davida wakatuma Jowabbu ababelesi bakwe amasooja woonse aamu-Israyeli kuti bakanyonyoone ma-Amoni. Bakasinkila Rabba, pesi Davida wakasyaala muJerusalema.
2 Limwi zuba goko, Davida wakabuka aabulo bwakwe, wasaanguna kweendeenda aajulu aang’anda yamwaami.* Naakali aajulu aang’anda, wakabona mwanakazi kali kusamba, mwanakazi ooyo wakali mubotu loko. 3 Davida wakatuma muntu kuti akabuzye atala amwanakazi ooyo mpawo muntu ooyo wakamubuzya kuti: “NguBbati-shebba, mwana wa-Eliyamu, mwanakazi wa-Uriya muHeti.” 4 Mpawo Davida wakatuma batumwa kuti bakamweete. Nkinkaako, wakasika kulinguwe, woonaawe. (Eezi zyakachitika chiindi naakali kulisalazya kubusofwaazyi bwakwe.*) Kuzwa waawo, wakabweeda kung’anda yakwe.
5 Mwanakazi ooyo wakaba aada mpawo wakatuma mulayizyo kuli Davida wakuti: “Ndaba aada.” 6 Mpawo Davida wakatuma mulayizyo kuli Jowabbu wakuti: “Buzya Uriya muHeti aze kulindime.” Nkinkaako, Jowabbu wakalayilila Uriya kuti aye kuli Davida. 7 Uriya naakasika kulinguwe, Davida wakabuzya kuti Jowabbu ulibiyeni, masooja alibiyeni akuti nkondo ilikweenda biyeni. 8 Mpawo Davida wakati kuli Uriya: “Yinka kung’anda yako ukapumune.”* Uriya naakazwa kung’anda yamwaami, wakatumizigwa chipo* chamwaami. 9 Nikuba oobo, Uriya wakoona kumanjililo aang’anda yamwaami, kalaamwi ababelesi basimalelaakwe boonse alubo taakayinka pe kung’anda yakwe. 10 Nkinkaako, Davida wakabuzigwa kuti: “Uriya tayinkide pe kung’anda yakwe.” Davida wakati kuli Uriya: “Ani teewazwa mulweendo na? Walekelaanzi kwiinka kung’anda yako?” 11 Uriya wakasandula Davida kati: “Bbokesi ama-Israyeli amaJuda bakkede muzivututu alubo simalelaangu Jowabbu ababelesi basimalelaangu bakkempede musokwe. Nkinkaako, ime nga ndilayinka na kung’anda yangu kuti ndikalye akunywa, akoona aamwanakazi wangu? Kwaamba choonzyo, mbuli mbuuli muumi, tandikoochita oobo pe!”
12 Mpawo Davida wakati kuli Uriya: “Kkala lubo sunu ookuno mpawo juunza ndilakuleka wiinke.” Nkinkaako, Uriya wakakkala muJerusalema mubuzuba mbuboobo amubuzuba bwakatobela. 13 Mpawo Davida wakamwiita kuti asike azoolye akunywaawe alubo wakamupa wayini kusikila wakolwa. Pesi goko, wakayinka kuti akoone aabulo bwakwe kalaamwi ababelesi basimalelaakwe alubo taakayinka pe kung’anda yakwe. 14 Kuseeni, Davida wakalembela Jowabbu lugwalo mpawo wakalupa Uriya kuti alutole. 15 Mulugwalo oolu, wakalemba kuti: “Amubikke Uriya kunembo, ooko nkondo nkwiipya loko. Mpawo muchije, mumusiye alikke kuchitila kuti bamuyase afwe.”
16 Jowabbu wakali wawulanga-langa kabotu muunzi, nkinkaako, wakabikka Uriya mpaakazi kuti kwakali basilumamba bali aanguzu. 17 Baalumi bamumuunzi ooyo, bakazwa balwana aaJowabbu mpawo bamwi babelesi baDavida bakajayigwa alubo Uriya muHeti wakali aakati kabaabo bakafwa. 18 Jowabbu wakatola mulumbe wakali atala amakani woonse aankondo kuli Davida. 19 Wakalayilila mutumwa kuti: “Nwaamana kubuzya mwaami makani woonse aali atala ankondo, 20 mwaami ulakonzya kunyema akukubuzya kuti, ‘Nkamboonzi nimwakayinka aafwiifwi loko amuunzi kuti mukabalwane? Teemwakazi na kuti balakonzya kumuyasa kabali aajulu aamuduli? 21 Ngwani wakajaya Abbimelekki mwana waJerubbesheti? Teemwanakazi na wakawaala mwanaankando aalinguwe, kali aajulu aamuduli mpawo wakamujaya kuTebbezi? Mwakayinkilaanzi aafwiifwi loko amuduli?’ Nkinkaako, weelede kwaamba kuti, ‘Mubelesi wako Uriya muHeti anguwe wafwa.’”
22 Mpawo mutumwa wakayinka waakubuzya Davida zyoonse Jowabbu nzyaakamutuma kuti akaambe. 23 Mutumwa wakabuzya Davida kuti: “Baalumi babo bakatukomenena mpawo bakatuzida musokwe kuti batulwane, pesi twakabaandilila kusikila kumanjililo aamuunzi. 24 Alubo basitwaanta bakayasa babelesi bako kabali aajulu aamuduli mpawo bamwi babelesi bamwaami bakafwa. Mubelesi wako Uriya muHeti anguwe wakafwa.” 25 Mpawo Davida wakabuzya mutumwa kuti: “Kabuzye Jowabbu kuti: ‘Utakataazikani pe amakani aaya, nkaambo panga lilakonzya kujaya kufumbwa muntu. Iwe lwana muunzi amanguzu aako woonse, uwuzunde.’ Umusungwaazye Jowabbu.”
26 Mwanakazi wa-Uriya naakamvwa kuti mulumaakwe Uriya wafwa, wakasaanguna kumulila. 27 Mbaakamana biyo malila, Davida wakatuma bantu kuti bakamubweze, bamweete kung’anda yakwe alubo wakaba mwanakazi wakwe mpawo wakatumbuka mwana mulombe. Pesi nzyaakachita Davida zyakamunyemya loko Jehova.*