CHIPAANZI 6
Twiiyanzi Kuzwa KuZambangulwe?
Leza wakanyonyoona babi, pesi wakafutula Nowa ampuli yakwe. Matalikilo 7:11, 12, 23
Imvula yakawa mazuba ali 40 sikati amansiku, cakuti nyika yoonse yakazula meenda. Aboobo, boonse babi bakamana kufwa.
Bangelo bakapapila bakasiya mibili yabo yanyama mpawo bakaba madaimona.
Aabo bakali mubwato bakafutuka. Nikuba kuti Nowa ampuli yakwe bakazoofwa mukuya kwaciindi, Leza uzoobabusya kabalaa bulangilizi bwakuzoopona akutamani.
Alubo Leza uyoonyonyoona basizibi akufutula bantu babotu. Matayo 24:37-39
Saatani amadaimona bali kweendelela kabali kweena bantu.
Mbuli mumazuba aNowa, mazubaano bantu biingi bali kukaka malailile aluyando aJehova. Lino-lino Jehova uzoonyonyoona boonse basizibi.—2 Petro 2:5, 6.
Bamwi bantu bali mbuli Nowa. Balamuswiilila Leza akucita nzyaamba. Aba mbaKamboni baJehova.