Balombe Bane Bakaswiilila Jehova

Nebbukkadinezari naakatola maJuda kuBbabbiloni, wakabuzya Asipenazi kuti kabalanga. Alubo Nebbukkadinezari wakabuzya Asipenazi kuti asale balombe bakasimide abakali achiwa chibotu. Balombe aaba bakali kuyooyiisigwa kwaminyaka itatu. Bakali kuyooyiisigwa kuchitila kuti bakonzye kubelekela mung’anda yamwaami wakuBbabbiloni. Nebbukkadinezari wakalayilila mubelesi wakwe Asipenazi kuti kabalanga. Alubo, balombe aaba bakeelede kuyiisigwa kubala akulemba mulaka wabaKkasidi wakali kwaambuulwa kuBbabbiloni. Bakeelede kulya zyakulya zilya mwaami ababelesi bakwe. Bamwi balombe bane bakasaligwa kwakali Daniyele, Hananiya, Misayeli aAzariya. Asipenazi wakabapa mazina akuBbabbiloni akuti: Bbelitsazara, Shadirekki, Mishekki aAbbedinego. Lwiiyo ndubakapegwa lwakapa kuti baleke kukomba Jehova na?

Balombe aaba bane bakalibambilide kuswiilila Jehova. Bakalizi kuti teebakeelede kulya zyakulya zilya mwaami, nkaambo teezyakali kweendelana aMulawu waJehova. Bakabuzya Asipenazi kuti: ‘Tukumbila kuti utatupi zyakulya zilya mwaami.’ Mpawo Asipenazi wakabasandula kuti: ‘Ikuti muleke kulya mpawo mwaami azoobone kuti mibili yanu tayisimide, uzoondijaya!’

Daniyele wakabuzya sikubalanga nzyakali kuyeeya. Wakati: ‘Tukumbila kuti kamutupa zyakulya zizwa muzintu zilimwa, zisyu amaanzi luzutu kwamazuba aali kkumi. Kuzwa waawo, muzootweelanie abalombe aabo balya zyakulya zilya mwaami.’ Sikubalanga wakazumina.

Nikwakiinda mazuba aali kkumi, Daniyele abeenzinyina batatu bakali kuboneka kabasimide kwiinda bamwi balombe. Jehova wakabotelwa nkaambo bakamuswiilila. Alubo, wakapa kuti Daniyele abaabusongo bwakupandulula zilengaano aziloto.

Nibakamana kuyiisigwa, Asipenazi wakatola balombe boonse kuli Nebbukkadinezari. Mpawo, mwaami nakaambuulaabo, wakabona kuti Daniyele, Hananiya, Misayeli aAzariya bakali aluzibo alimwi kabachenjede kwiinda bamwi balombe boonse. Aboobo, wakasala mbabo kuti babeleke mung’anda yabwaami. Mwaami wakali kubuzya kuli mbabo kuti kayanda kugwasigwa makani ayandikana. Jehova wakapa kuti babe basongo kwiinda baalumi basongo bakali kubelekela mwaami abakali kuchita masalamusi.

Nikuba kuti bakali munyika itali yabo, Daniyele, Hananiya, Misayeli aAzariya teebakaluba pe kuti bakali bakombi baJehova. Anduwe uyookkala kuswiilila Jehova na nikuba kutali abazyali bako?