CHIIYO 80
Jesu Wakasala Baapostolo Bali 12
Naakakambawuka kwamunyaka achisela, Jesu wakeelede kuchita kumwi kusala kuyandikana. Mbaani mbaakali kuyoobelekaabo chiindi chiingi? Mbaani mbaakali kuyooyiisya kuti bakalanganie mbungano yachiKristu? Jesu wakeelede kukumbila kugwasigwa aJehova kuti akonzye kusala kabotu. Nkinkaako, wakiinka kuchilundu alikke alimwi wakakomba busiku boonse. Kuseni, wakayita basikwiiya bakwe mpawo wakasala baapostolo bali 12. Mbaani mbuchiyeeyede mazina? Kwakali Petro, Andreya, Jakkobo, Johane, Filipi, Bbartolomewo, Tomasi, Matayo, Jakkobo mwana waAlufawo, Tediyasi, Sayimoni aJuda Iskkariyoti.
Andreya, Petro, Filipi, Jakkobo
Baapostolo bali 12 bakali kweendaawe. Naakamaninsya kubayiisya, wakabatuma kuti bakakambawuke abalikke. Jehova wakabapa manguzu aakuti batande madimoni akuponia bachiswa.
Johane, Matayo, Bbartolomewo, Tomasi
Baapostolo bali 12 bakali beenzinyina baJesu alimwi wakali kubasyoma. BaFarisi bakali kubonaanga baapostolo mbantu bakatayiide. Pesi Jesu wakabayiisya mulimu ngubakeelede kuchita. Bakali kweenda aJesu nikuba nikwakachitika zimwi zintu ziyandikana mbuli chiindi katanafwa anaakabusigwa. Baapostolo bamwi bakali kuzwa kuGalilaya mbuli Jesu. Bamwi bakali kwete.
Jakkobo mwana waAlufawo, Judasi Iskkariyoti, Tediyasi, Sayimoni
Baapostolo bakali bantu bakatamaninide alimwi zimwi ziindi bakali kubisya. Chimwi chiindi, bakali kwaamba munzila itali yabupampu alimwi bakali kusala munzila itali kabotu. Chimwi chiindi, bakali kufwambaana kunyema. Bakali kukazyania atala akuti ngwani mupati. Pesi bakali kabotu nkaambo bakali kuyanda Jehova. Mbabo bakali kuyootalisya mbungano yachiKristu alimwi bakali kuyoochita mulimu uuyandikana Jesu kali wabweeda kujulu.
“Ndamwaamba kuti muli beenzuma, nkaambo zintu zyoonse nzendakamvwa kuli-Taata, ndamuzibya nzizyo.”—Johane 15:15