Mwalizi Na?

MaIsrayeli bakali kubelesya malayilile aaMulawu waMusa na nibakali kubeteka milandu?

CHIMWI chiindi bakali kwaabelesya. Atulange-lange chikozyano chimwi. Lugwalo lwaDeuteronomo 24:14, 15 lwaamba kuti: “Toelede kupenzya similimo mucete uufwabide, naba sikamukowanyoko naba mweenzu uukede muminzi yamunyika yanu . . . Cenjela kuti atakwiilile Jehova nkaambo kanduwe, cenjela kuti utapegwi mulandu.”

Kuli chikumbizyo chakalembwa mu700 B.C.E., chakajanika aafwiifwi akuAshdod. Chikumbizyo eechi chakalembwa amubelesi wakakachilwa kubbadala chikwelete chazilyo. Chakalembedwe aatupanzi twanongo yakafwa. Chakali aamajwi aakuti: “Chiindi mubelesi wako [sikulemba] naakamaninsya kutebula, Hoshayahu mwana waShobay wakasika mpawo wakabweza jansi lyamubelesi wako. . . . Babelesima mbitwakali kutebulaamwi zuba kalibala bayoopa bumboni . . . bwakuti ndilikwaamba choonzyo. Tandikwe mulandu pe. . . . Nkinkaako ndikumbila kuti simalelaangu andifwide luzyalo kwiinda mukundigwasya kuti ndiboozegwe jansi lyangu! Tuyelede kuumuna kusikila mubelesi wako aboozegwe jansi lyakwe.”

Umwi sikulanga-langa makani aachiindi uutegwa Simon Schama wakaamba kuti chikumbizyo eechi “tachitondeezyi kuti sikulemba wakali kuyanda kuboozegwa jansi lyakwe luzutu pesi chitondeezya kuti sikulemba wakalaazi malayilile aamuBbayibbele aali muli Levitiko aDeuteronomo awaambuula atala ambubeelede kujatwa bantu bafwaba.”