Takwe Muntu Uukonzya Kuchija Lufu

ATUTEEDI ulikweebela muuvi igwisya mwiimbi uuzibinkene loko nguyandisya. Isaanguna kumugwisya kachili muniini, kali kwiiya kwiimba anaakazoozwidilila. Mpawo wamubona kalikwiimba mumashow, muli zimwi nyika alubo wazoozibinkana munyika yoonse. Kiiya kukumana, wabona wabugwisigwa kali wachembaala kumamanino wafwa.

Nzuuli kubona mumuuvi eeyi nzintu zyakachitika kuli umwi muntu wakafwa. Amwi muntu ooyo wakali mwiimbi, musayintisti, sikuchijaana, naakuti umwi uzibinkene. Kulakonzeka kuti muntu ooyo wakachita zyiingi mubuumi pesi ulakonzya kulibuzya kuti, kaansinga taakachembaala akufwa taali kunoochita zyiinda aawa na?

Zilawusisya kuti toonse tusikilwa mamanino aakozyene. (Mukambausi 9:5) Nikuba kuti tweezya biyeni, tatukonzyi kuchija kuchembaala alufu. Chimwi chiindi, tulakonzya kufwambaana kufwa kuti twachita aaccident naakuti twachiswa. Mbuuli mbulyaamba Bbayibbele, tuli mbuuli sikunku “uulibonya buyo kwakaindi kaniini mpoonya ulazimaana.”​—Jakobo 4:14.

Kuli bamwi, buumi taakwe nchibwaamba pe nkinkaako balibuzya kuti, “atulye akunywa, nkaambo kayi juunza tuyoofwa.” (1 Bakorinto 15:32) Biingi mbubapona nkaambo balizi kuti balafwa kufumbwa chiindi alubo tabakwe bulangilizi pe. Chiindi nitusikilwa mapenzi tulakonzya kulibuzya kuti, ‘Buumi oobu mbubo na abulikke buliwo?’ Ngatulayijana kuli nsandulo yamubuzyo ooyu?

Biingi basyoma kuti balajana nsandulo kuzwa kuli bazyasayensi. Bazyasayensi amadokotela bakajana zintu zigwasya kulampya buumi bwabantu alubo bachiyanduula zimwi nzila. Nikuba kuti balikweezya biyeni, mibuzyo iisyaala njakuti: Nkamboonzi nituchembaala akufwa? Lufu luyoomana na? Zyiiyo zitobela ziyoosandula mibuzyo eeyi awakuti: Buumi oobu mbubo na abulikke buliwo?