Kuyungizya Luzibo Lwesu Mumulimu Wakukambawuka​—Atubayiisye Zibasika Amoyo Bantu Katubelesya Bbuku Litegwa ‘Amukkale Kamuli Muluyando lwaLeza’

NKAMBOONZI NIKUYANDIKANA?: Bantu beelede kwiiya zyeelelo zyaJehova akuzibelesya kuchitila kuti bamukombe munzila njayanda. (Is 2:3, 4) Bbuku litegwa “Luyando lwa-Leza,” ndibbuku lyabili nditubelesya kukugwasya bantu mbitwiiyaabo, kuti bamvwisisisye mbubakonzya kubelesya malayilile aaLeza mubuumi bwabo. (Heb 5:14) Tweelede kweezya kubayiisya zibasika amoyo kuchitila kuti zibagwasye kuchincha maponeno aabo.​—Rom 6:17.

MBOTUKONZYA KUZICHITA:

• Libambile kabotu alimwi uyeeye zikonzya kugwasya muntu ngwiiyaawe. Libambile mibuzyo iitakugwasye kuti uzibe nzyayeeya ambalimvwa muzintu nzimuliikwiiya.​—Tus 20:5; be 259

• Belesya tubbokesi tujanika mubbuku eeli kugwasya muntu ngwiiyaawe kubona mbakonzya kubelesya malayilile aazwa muBbayibbele

• Utamusalili zyakuchita, pesi mugwasye kuti ayeeyesesye kumakani aayanda kuti abelesye manjezeezya aakwe.​—Gal 6:5

• Belesya bupampu kuti ugwasye muntu ngwiiyaawe kuti abelesye malayilile aazwa muBbayibbele. Alubo mugwasye kuti asale kweendelana aziyandwa aJehova.​—Tus 27:11; Joh 14:31