“Amulangile”

25:1-12

Nikuba kuti chikozyano chakaambwa aJesu chabasimbi bali kkumi chibeleka kumaKristu bananikidwe pesi chilabeleka akumaKristu boonse. (w15 3/15 12-16) Jesu wakati, “nkaambo kaako, amulangile, nkaambo tamuzi buzuba niciba ciindi.” (Mt 25:13) Kujana mwachipandulula biyeni chikozyano chakaambwa aJesu?

• Sibwiinga (vesi 1)—Jesu

• Basimbi bachenjede bakalilibambilide (vesi 2)—MaKristu bananikidwe balibambilide kuzuzikizya mulimu wabo chakusyomeka kabamweka mbuuli mumuni kusikila kumamanino (Flp 2:15)

• Loongololo lwakuti: ‘Amulange, ngoyu sibwiinga!’ (vesi 6)—Chitondeezyo chakubawo kwaJesu

• Basimbi bafuba-fuba (vesi 8)—MaKristu bananikidwe bakaya kuyootambuula Sibwiinga pesi bakakachilwa kuzumanana kulindila chakusyomeka

• Basimbi bachenjede bakakaka kutilila bamwi mafuta (vesi 9)—Chaakwiinda chiindi chakubikkwa chitondeezyo chamamanino takuchikabi mweenya wakuti bananikidwe bakagwasye aabo bakakachilwa kuzumanana kusyomeka

• ‘Sibwiinga wakasika’ (vesi 10)—Jesu uyooboola kuzoobeteka mapenzi mapati kaatanamana

• Basimbi bachenjede bakanjila mupobwe lyamuchado mpawo mulyango wakajalwa (vesi 10)—Jesu uyoobungania bananikidwe basyomeka kuti bakaye kujulu pesi bakatasyomeka bayoosweekelwa chilongezyo chabo