“Nyika Yoonse Yakajisi Mwaambo Omwe”

11:1-4, 6-9

KuBbabbeli, Jehova wakaanzaania bantu bataswiilili kwiinda mukunyongania mulaka wabo. Mazubaano, ulikubungania bankamu mpati kuzwa kuzisi amilaka yoonse kuti abape “mwaambo uusalala” kuchitila kuti “boonse kabaita zina lya Jehova, akuti kabamubelekela calukamantano.” (Zef 3:9; Ciy 7:9) “Mwaambo uusalala” ooyu wiiminina kasimpe kali atala aJehova amakanze aakwe aali muBbayibbele.

Kwiiya mulaka kuswaanizya zintu zyiingi kutali kuziba mabala luzutu. Kuswaanizya kuchincha nzila njuyeeyaayo. Munzila iikozyenie, chiindi nitwiiya mulaka uusalala wakasimpe, mizeezo yesu nga yachincha. (Ro 12:2) Kuti bakombi baLeza bazumanana kuchincha kweendelana akasimpe zilakonzya kupa kuti bajatane.—1Ko 1:10.