Kuyungizya Luzibo Lwesu Mumulimu Wakukambawuka​—Kukambawuka Katubelesya Camera Naakuti lntercom

NKAMBOONZI NIKUYANDIKANA?: Akaambo kakusumpuka kwatekkinoloji akuvula kwamilandu, bantu biingi balikulikwabilila kababelesya macamera amalntercom. Chimwi chiindi tulakonzya kuyoowa kukambawukila muntu uutubwene swebo katutamubwene. Malayilile aatobela alakonzya kutugwasya chiindi nitulikukambawuka katubelesya camera naakuti lntercom.

MBUTUKONZYA KUZICHITA:

• Ba aamaboneno aalikabotu. Bantu biingi bali aamacamera amalntercom balayanda kwaambuula aandiswe

• Tatweelede kuluba kuti amwi macamera alakonzya kutulekkooda katuchili kule akuti mwining’anda ulakonzya kutubona naakuti kutuswiilizya chiindi nituyanda kusika aang’anda yakwe

• Kuti mwining’anda wavwiila, wambuula kulikumwemwetela aalntercom naakuti aacamera kulikuchita mbuli kuti ulimubwene muntu ooyo. Amba zintu nzwaalikunoomubuzya kaansinga mwaambuula mulomo mpande. Kuti kakuli camera, utabikki busyu bwako aafwiifwi anjiyo. Kuti mwining’anda taavwiila utaambi makani ngwaazidilide

• Kuti mwamanisya kwaambuuzyania, utalubi kuti mwining’anda nga uchikubwene alubo nga ulikuswiilizizye