BUUMI BWAMAKRISTU
Ngawazibona Na Nsandulo Zyankombyo Zyako?
MuBbayibbele muli nkombyo zyiingi loko zyakasandulwa aaJehova. Zilaantanganana kuti lusyomo lwabakombi baJehova lwakali kusima chiindi nibakali kubona kuti Jehova wakali kubaswiilila akubagwasya. Nkinkaako, kulayandikana kuti tubuzye Jehova zintu nzituyanda chiindi nitukomba mpawo tubone mbasandula nkombyo zyesu. Tweelede kuyeeya kuti nsandulo njitukonzya kupegwa ilakonzya kusiyana anjituyanda. (2Ko 12:7-9; Ef 3:20) Jehova nga ulazisandula biyeni nkombyo zyesu?
Ulatupa manguzu, ulatugwasya kuti tubatame alubo upa kuti lusyomo lwesu lusime kuchitila kuti tulisimye kupenzi eelyo.—Flp 4:13
Ulatupa busongo kuchitila kuti tusale kabotu.—Jak 1:5
Ulatupa chiyandisyo anguzu zyakuti tubweze ntaamu.—Flp 2:13
Upa kuti tubatame nitukataazikene.—Flp 4:6, 7
Upa kuti bamwi batugwasye, batuumbulizye akutusungwaazya.—1Jo 3:17, 18
AMWEEBELE KAVIDIYO KATII JEHOVA ‘ULASWIILILA NKOMBYO,’ KUZWA WAAWO, MUSANDULE MIBUZYO IITOBELA:
Chikozyano chaMukwesu Shimizu nga chilatusungwaazya biyeni kuti katutachikonzyi kuchita zyiingi akaambo kakuchiswa-chiswa?
Nga tulachitobelezya biyeni chikozyano chaMukwesu Shimizu?