Kwiindulula Twaambo Tupati

Chimwi chiindi kulakuyumina na kuyeeya zintu nzuwazwa aakubala? Zilachitika chiindi chiingi kulindiswe toonse. Niinzi zikonzya kukugwasya kuti utalubi? Yindulula twaambo tupati.

Chiindi nulikubala, lipe chiindi chakuti uyeeyesesye atala atwaambo tuyandikana. Eezi nzizyo nzyaakachita mwaapostoli Pawulu naakali kusungwaazya bakombinyina bakali kubala magwalo aakwe. Wakati: “Kaambo kapati muzintu nzitulikwaamba nkakuti.” (Heb. 8:1) Kwiinda mukubelesya majwi aaya, wakali kugwasya bakombinyina kuti bamvwisisisye zintu nzyaakali kwaamba akuti babone kuti zyakali kunjililana biyeni.

Ulakonzya kubelesya maminiti aali 10 nwaazwa aakubala kuti uyeeyesesye atala azintu nzwalikubala. Kuti waziluba zyoonse, ulakonzya kulanga mitwe yamakani naakuti kubala munchali wakusaanguna mufuka limwi alimwi kuti ukonzye kuziyeeya. Kuti wayiya chintu chipya, yezya kuchipandulula mumajwi aako. Kuti wayindulula twaambo tupati, tukoofwambaana pe kuziluba nzwalikubala alubo zilakonzya kukugwasya kuti ubone mbukonzya kuzibelesya mubuumi bwako.